صیہونی فلسطینیوں کو جاسوسی پر مجبور کر رہے ہیں: انسانی حقوق کی تنظیم

?️ 28 ستمبر 2025

سچ خبریں:روسیہ الیوم کی رپورٹ کے مطابق یورپ- بحیرہ روم ہیومن رائٹس واچ نے انکشاف کیا ہے کہ صیہونی حکام غزہ میں فلسطینی خاندانوں کو یا تو تل ابیب کے ساتھ تعاون پر مجبور کر رہے ہیں یا انہیں جبری ہجرت، بھوک اور اجتماعی قتل کا سامنا ہے۔

یورپ- بحیرہ روم ہیومن رائٹس واچ نے خبردار کیا ہے کہ صیہونی حکام فلسطینی خاندانوں کو سنگین خطرات میں ڈال رہے ہیں اور انہیں دو تباہ کن راستوں میں سے ایک کا انتخاب کرنے پر مجبور کیا جا رہا ہے کہ یا تو وہ اسرائیلی فوج اور ملیشیاؤں کے ساتھ تعاون کریں یا پھر اجتماعی قتل، بھوک اور جبری ہجرت کو قبول کریں۔

یہ بھی پڑھیں:صیہونی حکومت کے حملے؛ بین الاقوامی قانون کے تابوت میں آخری کیل؟

انسانی حقوق کے اس ادارے نے بتایا کہ اس کی فیلڈ ٹیم نے ایک سنگین جرم کو دستاویزی شکل دی ہے جو غزہ کے الشاطی کیمپ میں بکر خاندان کے ساتھ پیش آیا، جس میں 9 افراد بشمول خواتین اور بچے جاں بحق ہوئے۔

مزید پڑھیں: مسجد الاقصی کے خلاف صیہونی جارحیت پر عرب لیگ کا ردعمل

ادارے نے زور دیا کہ صیہونی قابضین کی جانب سے دباؤ یا سودے بازی کو مسترد کرنے پر فلسطینی خاندان اپنے حقِ تحفظ سے محروم نہیں ہوتے، اور ان پر حملہ یا جبری ہجرت کسی بھی صورت میں قابل قبول نہیں،مرکز نے مزید کہا کہ عام شہریوں پر حملہ، انہیں گھر چھوڑنے پر مجبور کرنا یا بھوک سے نڈھال کرنا، خواہ متاثرین کا ردعمل کچھ بھی ہو، ہمیشہ ایک سنگین جرم ہے۔