صیہونی سیکیورٹی حکمت عملی مکمل طور پر ناکام : فارن پالیسی

?️ 18 اپریل 2026

سچ خبریں:فارن پالیسی نے اپنی رپورٹ میں اعتراف کیا ہے کہ صہیونی ریاست کی سیکیورٹی حکمت عملی ایران، لبنان اور غزہ کے محاذوں پر مکمل طور پر ناکام ہو چکی ہے۔

فارن پالیسی کے مطابق اسرائیل کی سیکیورٹی حکمت عملی ایران، لبنان اور غزہ کے محاذ پر ناکام ہو چکا اور 7 اکتوبر کے بعد اسرائیل اپنے اسٹریٹجک اہداف حاصل کرنے میں ناکام رہی ہے۔

رپورٹ کے مطابق اسرائیل اپنے کسی بھی دشمن کو ختم کرنے میں کامیاب نہیں ہو سکا، جس کا مطلب یہ ہے کہ 2023 میں آپریشن طوفان الاقصیٰ کے بعد اس کی سیکیورٹی حکمت عملی تمام پہلوؤں سے حقیقی معنوں میں ناکام ہو گئی ہے۔

رپورٹ میں کہا گیا ہے کہ 7 اکتوبر سے قبل اسرائیل مختصر اور محدود حملوں کی حکمت عملی پر عمل پیرا تھا، تاہم اس کے بعد اس نے حماس کو مکمل طور پر ختم کرنے، حزب اللہ کو غیر مسلح کرنے اور ایران میں نظام کی تبدیلی جیسے اہداف مقرر کیے۔ اس دوران اسرائیل میں تکنیکی اور عسکری برتری کا ایک غلط تاثر پیدا ہوا۔

رپورٹ کے مطابق بے مثال اور شدید حملوں اور بین الاقوامی قوانین کی خلاف ورزیوں کے باوجود تل ابیب اپنے مقاصد حاصل کرنے میں ناکام رہا۔ ایران کا نظام برقرار ہے، حزب اللہ مزید مضبوط دکھائی دے رہا ہے، اور حماس غزہ میں بدستور موجود ہے۔

رپورٹ میں مزید کہا گیا ہے کہ نیتن یاہو کی طرف سے دعویٰ کی جانے والی کامیابی دراصل شکست کا اعتراف ہے۔ اسرائیل کی عالمی حیثیت کمزور ہو چکی ہے اور پڑوسی ممالک اسے ایک خطرے کے طور پر دیکھ رہے ہیں۔ تل ابیب اب مجبوراً دوبارہ اپنی پرانی محدود اور مختصر حملوں کی حکمت عملی کی طرف لوٹ رہا ہے۔