غزہ پر صیہونی حملے جاری، مزید 5 فلسطینی شہید اور متعدد زخمی

?️ 2 نومبر 2026

سچ خبریں:غزہ میں صیہونی فوج کے مسلسل حملوں کے نتیجے میں مزید پانچ فلسطینی شہید ہو گئے، جبکہ ڈرون حملے میں ایک شہری کی شہادت اور پانچ افراد کے زخمی ہونے کی اطلاع ہے۔

فلسطینی طبی ذرائع نے بتایا ہے کہ پیر کی صبح سے غزہ پر صیہونی حکومت کے متعدد حملوں میں کم از کم پانچ فلسطینی شہید ہو چکے ہیں۔

دوسری جانب صیہونی ڈرونز نے غزہ شہر کے جنوب مغربی علاقے تل الہوا کے محلے میں واقع میدان الخور کے قریب ایک شہری گاڑی کو نشانہ بنایا۔

فلسطینی ہلال احمر کے مطابق اس حملے میں ایک فلسطینی شہید اور پانچ دیگر زخمی ہوئے۔ زخمیوں میں سے ایک کی حالت تشویش ناک بتائی گئی ہے۔

ہلال احمر نے مزید بتایا کہ حملے میں زخمی ہونے والے افراد کو طبی امداد کے لیے اس کے زیر انتظام القدس اسپتال منتقل کر دیا گیا ہے۔