یمن کے خلاف نیتن یاہو کے بیان پر یمن کا ردعمل

?️ 23 دسمبر 2024

سچ خبریں:یمن کی اعلیٰ سیاسی کونسل کے رکن محمد علی الحوثی نے صیہونی وزیر اعظم بنیامین نیتن یاہو کے حالیہ بیانات پر ردعمل کا اظہار کرتے ہوئے کہا ہے کہ اسرائیل کا انجام تباہی ہے۔

المسیرہ نیوز چینل کی رپورٹ کے مطابق، بنیامین نیتن یاہو نے حال ہی میں ایک اشتعال انگیز بیان میں کہا کہ اسرائیل نے ایران کے نیابتی گروہوں کو نشانہ بنایا ہے اور اسی طرح یمن کی تحریک انصار اللہ پر بھی حملہ کرے گا۔

یہ بھی پڑھیں: یمن کے خلاف اسرائیل کے 3 بڑے چیلنجز

محمد علی الحوثی نے اس بیان پر جواب دیتے ہوئے کہا کہاسرائیل کا زوال یقینی ہے۔

انہوں نے مزید کہا کہ نیتن یاہو کو یمنیوں کو دھمکیاں دینے سے پہلے اپنے اقدامات کے نتائج کے بارے میں سوچنا چاہیے، کیونکہ ان کا اختتام اسرائیلی غاصب حکومت کی تباہی پر ہوگا۔

الحوثی نے مزید کہا کہ نیتن یاہو کا انجام جیل یا عہدے سے برطرفی ہوگا، چاہے وہ اپنی عسکری طاقت کے ذریعے بچنے کی کوشش کیوں نہ کرے۔

یاد رہے کہ یمن کی تحریک انصار اللہ نے حالیہ دنوں میں بحیرہ احمر کے اوپر ایک امریکی ایف 18 جنگی طیارے کو نشانہ بنانے کا دعویٰ کیا ہے۔

مزید پڑھیں: صیہونی حکومت یمنی میزائلوں کے سامنے کیوں بے بس ہے؟ صیہونی میڈیا کی زبانی

اس کے علاوہ، انہوں نے امریکی طیارہ بردار جہاز کو بھی نشانہ بنانے کا اعلان کیا، جو خطے میں بڑھتی ہوئی کشیدگی کو ظاہر کرتا ہے۔