فلسطین کی حمایت کے بارے میں یمن کا تازہ ترین موقف

?️ 11 ستمبر 2024

سچ خبریں: یمن کی اسلامی مزاحمتی تحریک نے انصار اللہ کے ترجمان کا امریکی-برطانوی اتحاد کے تعز پر حملے پر سخت ردعمل کا اظہار کرتے ہوئے کہا کہ اس طرح ہم فلسطین کی حمایت سے پیچھے نہیں ہٹنے والے۔

المسیرہ چینل کی رپورٹ کے مطابق یمن کی انصار اللہ تحریک کے ترجمان محمد عبدالسلام نے امریکی-برطانوی اتحاد کی جانب سے تعز پر ہونے والے خونریز حملے کے بعد ایک بیان جاری کیا۔

یہ بھی پڑھیں: عرب دنیا کی کمزوری نے صہیونیوں کو اپنے جرائم جاری رکھنے کی ترغیب دی ہے : یمن

انصاراللہ کے ترجمان نے بیان میں کہا کہ ہم امریکی-برطانوی اتحاد کی جانب سے تعز کے الجند علاقے میں ایک گرلز اسکول کے قریب دو فضائی حملوں کے دوران ہونے والی وحشیانہ جارحیت کی مذمت کرتے ہیں۔

عبدالسلام نے مزید کہا کہ عام شہریوں اور تعلیمی اداروں پر حملہ ایک خطرناک کشیدگی کی علامت ہے جو اس بات کی عکاسی کرتا ہے کہ امریکہ اور برطانیہ کو بحیرہ احمر میں اسرائیلی کشتیرانی کے تحفظ میں ناکامی کا سامنا ہے۔

ترجمان انصار اللہ نے واضح کیا کہ یمن غزہ کی حمایت کے اپنے فیصلے پر قائم ہے اور اس اصولی اور اخلاقی فیصلے سے ایک انچ بھی پیچھے نہیں ہٹے گا۔

مزید پڑھیں: یمن کے خلاف امریکی-برطانوی سازش کا انکشاف

یاد رہے کہ کچھ وقت قبل تعز صوبے پر امریکی-برطانوی اتحاد کے دو فضائی حملوں کے نتیجے میں دو طالبات شہید اور 9 دیگر زخمی ہوگئے تھے۔