کیا مغربی پٹی جنگ کا مرکزی محاذ بنے گی؛صیہونی ٹی وی

?️ 16 دسمبر 2024

سچ خبریں:صہیونی حکومت کے ٹی وی چینل 14 نے مغربی کنارے میں صورتحال کے کشیدہ ہونے پر تشویش کا اظہار کیا ہے۔

عربی 21 نیوز ایجنسی کی رپورٹ کے مطابق، صہیونی ٹی وی چینل 14 نے اپنی رپورٹ میں کہا ہے کہ مغربی پٹی میں حالات کے کشیدہ ہونے کی علامات واضح طور پر نظر آنے لگی ہیں۔

یہ بھی پڑھیں: صیہونی اخبار کا مغربی پٹی کی مزاحمت کے بارے اہم اعتراف

رپورٹ میں یہ بھی ذکر کیا گیا ہے کہ مغربی پٹی، جنگ کا مرکزی محاذ بننے کی سمت میں جا رہی ہے۔

گذشتہ چند گھنٹوں اور دنوں کے دوران، فلسطینی خودمختار انتظامیہ کے سکیورٹی فورسز نے مغربی کنارے کے جنین شہر میں فلسطینی مزاحمتکاروں کے خلاف کارروائی کرتے ہوئے انہیں گرفتار کیا ہے۔

امریکی حکام نے آکسیوس ویب سائٹ سے بات کرتے ہوئے اس اقدام کا مقصد فلسطینی خودمختار انتظامیہ کے خلاف کسی بھی مزاحمتی حرکت کو روکنا بتایا ہے، خاص طور پر علاقے میں بڑھتی ہوئی سیاسی کشیدگی کے تناظر میں۔

مزید پڑھیں: غزہ اور مغربی پٹی کے بارے میں انتہاپسند صیہونی وزیر کے خواب

اس کے باوجود، مغربی کنارے میں مزاحمتی گروپوں کی سرگرمیاں جاری ہیں اور اس علاقے میں موجود فلسطینی مجاہدین صہیونی فوجیوں کو ہدف بناتے ہیں۔