کیا اسد خاندان جلاوطن حکومت بنائے گا؟

سچ خبریں:بشار الاسد کے بیٹے کی سوشل میڈیا سرگرمیوں اور مخالفین کی جانب سے جلاوطن حکومت بنانے کے امکان پر قیاس آرائیاں کی جا رہی ہیں۔  

انٹر ریجنل اخبار رأی الیوم کی رپورٹ کے مطابق بشار الاسد کے بیٹے حافظ کی ایک 9 سیکنڈ کی ویڈیو، جس میں وہ ماسکو کی سڑکوں پر چلتے ہوئے دکھائی دے رہے ہیں، نے اسد خاندان کے روس میں موجودگی کے حوالے سے بحثوں کو دوبارہ گرم کر دیا ہے۔

یہ بھی پڑھیں:روس میں بشار اسد کے قتل کی ناکام کوشش:برطانوی اخبار کا دعویٰ

حافظ کی سوشل میڈیا سرگرمیوں، خاص طور پر ایکس (سابقہ ٹویٹر) اور ٹیلی گرام پر ان کے اکاؤنٹس، نے مخالف حلقوں میں اسد خاندان یا ان کے بیٹے کے سیاسی کردار اور ماسکو سے جلاوطن حکومت کے اعلان کے امکان پر قیاس آرائیوں کو بڑھا دیا ہے۔

اس پوسٹ کی اشاعت کے ساتھ ہی روس کے صدر ولادیمیر پیوٹن کی شام پر حکمران دہشت گرد گروہ کے سربراہ ابومحمد الجولانی سے فون پر بات ہوئی ہے۔

حافظ نے ایکس پر ایک پوسٹ میں لکھا کہ باتیں اور افواہیں حقیقت نہیں بناتیں، تاریخ عملی اقدامات سے لکھی جاتی ہے نہ کہ گالیوں سے، وقت گزرنے کے ساتھ ہی سب کچھ واضح ہو جائے گا۔

انہوں نے مزید لکھا کہ کچھ لوگ کہتے ہیں کہ غیر موجودگی بھاگنے کے مترادف ہے، لیکن یہ اقدام ہنگامی حالات میں ضروری ہوتا ہے، حقیقت وقت کے ساتھ سامنے آتی ہے، ہم کوشش کرنا نہیں چھوڑیں گے۔

مزید پڑھیں:بشار الاسد کی حکومت کے زوال پر شام کے سابق صدارتی میڈیا آفس کے سربراہ کا متنازعہ بیان

انہوں نے بشار الاسد کے ایک انٹرویو کی طرف اشارہ کیا اور کہا کہ جلد ہی پوری کہانی منظر عام پر آئے گی۔