جنگ جاری رہی تو اسرائیل کا کیا بنے گا؟صیہونی جنرل کی زبانی

1 جون 2024

سچ خبریں: ایک اعلیٰ صہیونی جنرل نے حماس اور حزب اللہ کے ساتھ جنگ میں تل ابیب کی ناکامی کی نشاندہی کرتے ہوئے کہا ہے کہ جنگ کا جاری رہنا اسرائیل کی تباہی کا سبب بن سکتا ہے۔

الجزیرہ نیوز چینل کی رپورٹ کے مطابق صہیونی فوج کے ریزرو جنرل اسحاق بریک نے کہا کہ اسرائیل کے پاس حماس یا حزب اللہ کے خلاف جنگ میں کامیابی کی طاقت نہیں ہے، انہوں نے خبردار کیا کہ جنگ کا جاری رہنا اسرائیل کی تباہی کا باعث بن سکتا ہے۔

یہ بھی پڑھیں: صیہونی جنرل کو بھی اسرائیل کی تباہی پر یقین

صہیونی میڈیا کی رپورٹ کے مطابق کہ بریک نے اس بات پر زور دیا کہ اسرائیلی فوج کمزور اور کم ہو چکی ہے ، اس کے پاس کوئی اضافی طاقت نہیں ہے، ہر گزرتے دن کے ساتھ جنگ کی صورتحال بدتر ہوتی جا رہی ہے۔

انہوں نے کہا کہ اسرائیلی جنگی کمانڈرز سیاسی اور عسکری سطح پر ان سخت حقیقتوں کو تسلیم نہیں کرنا چاہتے جن کی ذمہ داری انہیں قبول کرنی چاہیے، بلکہ وہ اسرائیل کو تباہی کے دہانے کی طرف لے جا رہے ہیں۔

اس اعلیٰ صہیونی جنرل نے کہا کہ اسرائیل نے جنگ کے ابتدائی لمحات میں ہی ایک ذلت آمیز شکست کا سامنا کیا اور اس شکست کی تلافی کے لیے واضح ترجیحات کی بنیاد پر کوششیں کرنی چاہیے تھیں نہ کہ کسی مکمل فتح کے بارے میں سوچنا چاہیے تھا۔

انہوں نے مزید کہا کہ اسرائیل کی جانب سے جنگ کا خاتمہ نہ کرنا اسے ایک لمبی جنگ میں تبدیل کرنا ہے جس سے پورے خطے میں جنگ کا امکان پیدا ہو گا جو آخرکار یہ اسرائیل کی تباہی کا سبب بن سکتا ہے، اس کے علاوہ، وقت گزرنے کے ساتھ اسرائیل عالمی تنہائی کا شکار ہو سکتا ہے۔

صہیونی میڈیا کا یہ بھی کہنا ہے کہ جنگ کے دوران ریزرو فوج میں خدمات انجام دینے سے انکار کرنے والوں کی تعداد غیرمعمولی حد تک بڑھ گئی ہے۔

مزید پڑھیں: اسرائیل کی تباہی پہلے سے کہیں زیادہ قریب

اسرائیلی فوج کے جاری کردہ سرکاری اعدادوشمار کے مطابق جن پر کئی تجزیہ کاروں کو شدید شکوک و شبہات ہیں، اب تک 642 صہیونی فوجی جنگ کے دوران ہلاک ہو چکے ہیں اور 3643 سے زائد زخمی ہو چکے ہیں جبکہ حقیقت میں یہ اعدادوشمار کہیں زیادہ ہو سکتے ہیں۔