یمنی میزائلوں نے صیہونی دفاعی نظام کے ساتھ کیا کیا؟ صیہونی ذرائع ابلاغ کی زبانی

?️ 15 ستمبر 2024

سچ خبریں: یمن کی مسلح افواج کی جانب سے مقبوضہ فلسطین کے قلب پر میزائل حملوں کے حوالے سے صہیونی ذرائع ابلاغ نے شدید ردعمل کا اظہار کیا ہے۔

المیادین نیوز چینل کی رپورٹ کے مطابق عبری ذرائع ابلاغ نے رپورٹ دی ہے کہ یمن کے حملے ابھی ختم نہیں ہوئے ہیں بلکہ یمن نے تل ابیب کو ایک نہیں بلکہ مزید حیرت انگیز حملوں کی دھمکی دی ہے۔

یہ بھی پڑھیں: یمنی میزائل کتنی دیر میں نشانے تک پہنچ جاتے ہیں؟ امریکی کمانڈر کی زبانی

اس رپورٹ میں کہا گیا ہے کہ یمنی میزائل کو روکنے کے لیے متعدد میزائل داغے گئے مگر وہ اس کو ناکام کرنے میں ناکام رہے۔

اسرائیلی چینل 12 نے اطلاع دی کہ اسرائیلی فوج اس بات کی تحقیقات کر رہی ہے کہ یہ میزائل، جو اسرائیل کے مرکز میں جا کر لگا، کس طرح یمنی حدود سے اتنی طویل مسافت طے کر کے اسرائیلی دفاعی نظام کی نگاہ سے اوجھل رہا۔

مقبوضہ فلسطین میں ستارہ سرخ داؤد کے ادارے نے پانچ صہیونی باشندوں کے پناہ گاہوں کی جانب بھاگتے ہوئے زخمی ہونے کی اطلاع دی ہے۔

عبری ذرائع ابلاغ نے مزید بتایا کہ یمنی میزائل اسرائیل کے فضائی دفاعی نظام اور کئی عرب ممالک کی فضائی حدود کو عبور کرتے ہوئے اپنے ہدف تک پہنچا۔

مزید پڑھیں: یمنی ڈرونز اور انہیں گرانے والے امریکی میزائلوں کی قیمت

واضح رہے کہ آج بروز اتوار، عبری ذرائع نے اطلاع دی کہ یمن کی جانب سے ایک یا زیادہ زمین سے زمین پر مار کرنے والے بیلسٹک میزائل مقبوضہ فلسطین کے مرکزی علاقوں کی طرف داغے گئے ہیں۔