شام کے ساتھ جنگ یقینی ہے:صیہونی وزیر

?️ 10 دسمبر 2025

سچ خبریں:شامی فوج کی پریڈ میں غزہ کے حق میں نعروں کے بعد صیہونی وزیر آمیخای شکلی نے کہا کہ شام کے ساتھ جنگ حتمی ہے۔

ایک صیہونی وزیر نے شامی فوج کی پریڈ کے دوران غزہ کے حق میں نعروں پر شدید ردعمل کا اظہار کرتے ہوئے اعلان کیا ہے کہ شام کے ساتھ جنگ یقینی ہے۔

صیہونی وزیر نے کہا کہ اسرائیل شام کے خلاف باضابطہ اقدامات کی تیاری کر رہا ہے جبکہ تل ابیب کے سکیورٹی ادارے نئے شامی نظام کو افراطی قرار دے رہے ہیں۔

یہ بھی پڑھیں: جولانی کو شام پر اسرائیلی قبضے کے خلاف واضح موقف اختیار کرنا چاہیے: السوڈانی

بنیامین نیتن یاہو کی جماعت لیکوڈ کے رکن صیہونی وزارت خارجہ کے رکن آمیخای شکلی نے اپنی پوسٹ میں لکھا کہ شامی فوج کے مارچ میں غزہ کے حق میں نعرے لگائے گئے، اب جنگ حتمی ہے۔

اگرچہ شام کی موجودہ حکومت نے اسرائیل کے خلاف کوئی براہِ راست فوجی دھمکی جاری نہیں کی، تاہم صیہونی حکومت بدستور جنوبی شام میں فضائی حملے اور قبضہ جاری رکھے ہوئے ہے۔

اس سے قبل صیہونی فوجی ریڈیو نے اطلاع دی تھی کہ تل ابیب شامی حکومت کے خلاف باضابطہ اقدامات پر غور کر رہا ہے، جن میں سخت انتباہی پیغامات، دمشق سے وضاحت طلبی اور ان نعروں کی مذمت شامل ہے جو پیر کے روز دمشق میں فوجی پریڈ کے دوران لگائے گئے۔

یہ تمام واقعات اس وقت سامنے آئے جب سوشل میڈیا پر ایسی ویڈیوز پھیل گئیں جن میں شامی وزارت دفاع کی جانب سے دمشق کے المَزَّه ہائی وے پر منعقدہ فوجی پریڈ میں، غزہ! ہم مرتے دم تک تمہارے ساتھ ہیں… غزہ دن رات بمباری میں جل رہا ہے… اے دشمن! میں تمہاری طرف آ رہا ہوں… اللہ اکبر جیسے نعرے لگائے گئے۔

ایک سینئر صیہونی سکیورٹی اہلکار—جس کا نام ظاہر نہیں کیا گیا—نے نئے شامی حکومت کے بارے میں شدید بداعتمادی کا اظہار کرتے ہوئے کہا کہ ہم شامی حکومت سے شدید شک کی بنیاد پر معاملہ کرتے ہیں۔ ہم انہیں انتہائی احتیاط سے دیکھ رہے ہیں، اور ہماری نظر میں یہ نظام ایک شدت پسند جہادی شناخت رکھتا ہے۔

مزید پڑھیں: الجولانی کا تل ابیب کے لیے قیمتی تحفہ

اس اہلکار نے مزید کہا کہ اسرائیلی سکیورٹی ادارے ان نعروں اور ان کے ممکنہ اثرات کا باریک بینی سے جائزہ لے رہے ہیں اور ان کے نزدیک ایسے سرکاری نعروں کا مقصد شامی حکومت کی نئی پالیسی، یا خطے کے حالات سے فائدہ اٹھانے کی کوشش ہو سکتا ہے۔