روس کے خلاف طویل جنگ کی امریکی پالیسی ناکام ؛امریکی عہدیدار کا اعتراف

سچ خبریں:امریکی نائب خصوصی ایلچی مورگان اورٹگاس نے تسلیم کیا ہے کہ روس کے خلاف امریکہ کی فرسایشی جنگ کی حکمت عملی، خاص طور پر بائیڈن انتظامیہ کے دور میں، ناکام ہو چکی ہے۔ 

یہ بھی پڑھیں:یوکرین جنگ کےعالمی نظام پر سیاسی اثرات

روسی خبررساں ایجنسی اسپوٹنک کی رپورٹ کے مطابق امریکہ کی نائب خصوصی ایلچی برائے مشرق وسطیٰ، مورگان اورٹگاس نے روس کے خلاف امریکہ کی طویل جنگی پالیسی کی ناکامی کا اعتراف کر لیا ہے۔

رپورٹ کے مطابق، مورگان اورٹگاس نے اعتراف کیا ہے کہ امریکہ، خصوصاً بائیڈن انتظامیہ کی جانب سے روس کے خلاف طویل جنگ کے طریقہ کار اختیار کرنا غیر موثر ثابت ہوا ہے۔

انہوں نے کہا کہ اگر یہ جنگ جاری بھی رہی تو اس سے کسی کو کوئی فائدہ نہیں پہنچے گا،ان کا مزید کہنا تھا کہ سابق امریکی حکومت نے بھی روس کے ساتھ اسی نوعیت کی جنگی حکمت عملی اپنانے کی کوشش کی تھی، لیکن تاریخ گواہ ہے کہ کوئی بھی فریق اس طرح کی جنگوں میں کامیاب نہیں ہو سکا۔

مزید پڑھیں:یوکرین کی جنگ کے تیسرے سال میں میدان جنگ، نقصانات اور اقتصادی اثرات کا جائزہ

مورگان اورٹگاس نے اس بات پر زور دیا کہ وقت گزرنے کے باوجود بھی یہ پالیسی روس کے حوالے سے مفید ثابت نہیں ہو گی، اسی وجہ سے ہم گزشتہ برسوں کی غلطیوں کی اصلاح کے لیے کوشاں ہیں۔