ایران امریکہ مذکرات کے بارے میں امریکی مذاکرات کار  کا اظہار خیال 

سچ خبریں:امریکی مذاکرات کار نے انکشاف کیا کہ ایران سے ممکنہ معاہدہ، یورینیم کی افزودگی کی شفاف جانچ پر منحصر ہوگا

روئٹرز نیوز ایجنسی کی رپورٹ کے مطابق امریکہ کے اعلیٰ مذاکرات کار اور مشرق وسطیٰ کے لیے ٹرمپ کے خصوصی ایلچی اسٹیو ویٹکاف نے ایران کے ساتھ جاری مذاکرات کی اہم تفصیلات افشا کرتے ہوئے کہا ہے کہ ایران کے جوہری پروگرام کی راستی آزمایی ان مذاکرات کا مرکزی نکتہ ہے۔

یہ بھی پڑھیں:ایران نے امریکہ کو بالواسطہ مذاکرات کی تجویز کیوں دی؟

روئٹرز کے مطابق، ویٹکاف نے تصدیق کی کہ مذاکرات کا پہلا مرحلہ ایران کے یورینیم کی افزودگی کے عمل کی جانچ سے متعلق ہے، جس کے بعد ایرانی اسلحہ پروگرام پر بات کی جائے گی۔

ویٹکاف نے کہا کہ ایران کے جوہری پروگرام کی مکمل اور شفاف سازی کے بغیر کسی قسم کا معاہدہ ممکن نہیں، اگر ہم ایسا کرنے میں ناکام رہے تو ہمیں متبادل آپشنز پر غور کرنا ہوگا، جو کسی کے بھی مفاد میں نہیں ہوں گے۔

انہوں نے مزید کہا کہ ایران کے ساتھ ابتدائی ملاقات مثبت اور تعمیری تھی، اور دونوں فریقین اب یہ جانچ رہے ہیں کہ آیا سفارتی طریقوں سے اس پیچیدہ معاملے کا کوئی پرامن حل نکالا جا سکتا ہے۔

المیادین نے فاکس نیوز کے حوالے سے بتایا کہ ویتکاف نے واضح کیا ہے کہ مذاکرات کا دائرہ صرف جوہری افزودگی تک محدود نہیں، بلکہ وہ ایران کے میزائل پروگرام اور دیگر فوجی سازوسامان کو بھی شامل کرے گا۔

ویٹکاف کے مطابق ہم جو بھی معاہدہ کریں گے، وہ مکمل طور پر اس بنیاد پر ہوگا کہ ایران کے یورینیم افزودگی کے پروگرام اور مبینہ جوہری اسلحہ کی تیاری سے متعلق شفاف، مکمل اور قابل تصدیق معلومات فراہم کی جائیں۔

مزید پڑھیں:ایران امریکہ مذاکرات؛ 4 چیزوں پر ٹرمپ کا اتفاق

ابھی تک ایرانی حکومت کی جانب سے ویتکاف کے بیانات پر باضابطہ ردعمل سامنے نہیں آیا، لیکن ماضی میں تہران متعدد بار ان الزامات کو بے بنیاد اور سیاسی دباؤ کا حصہ قرار دے چکا ہے۔