امریکہ کو روسی قومی مفادات کا احترام کرنا چاہیے:روسی صدر

امریکہ کو روسی قومی مفادات کا احترام کرنا چاہیے:روسی صدر

?️

سچ خبریں:روسی صدر ولادیمیر پیوٹن نے زور دیا ہے کہ امریکہ کو دونوں ممالک کے قومی مفادات کے احترام میں باہمی اور منصفانہ رویہ اختیار کرنا چاہیے۔

روسی صدر ولادیمیر پیوٹن نے کہا ہے کہ امریکہ کو روس کے قومی مفادات کے احترام میں باہمی رویہ اپنانا چاہیے،انہوں نے یوکرین میں پائیدار امن، روسی زبان بولنے والوں کے حقوق اور سکیورٹی کے تحفظ کو روسی فوجی آپریشن کے اہم مقاصد قرار دیا۔ 

خبر رساں ادارے انادولو کی رپورٹ کے مطابق، پیوٹن نے کہا کہ امریکی عوام، امریکی حکومت اور امریکی صدر اپنے مخصوص قومی مفادات رکھتے ہیں جن کا روس احترام کرتا ہے، ہم توقع رکھتے ہیں کہ امریکہ بھی روس کے قومی مفادات کے احترام میں اسی طرح کا رویہ اپنائے۔
پیوٹن کے یہ بیانات اس وقت سامنے آئے ہیں جب امریکی صدر ڈونلڈ ٹرمپ نے اعلان کیا کہ وہ یوکرین میں جنگ بندی کی کوششوں کے سلسلے میں کل روسی صدر پیوٹن اور یوکرینی صدر ولودیمیر زلنسکی سے ٹیلیفونک گفتگو کریں گے۔
ٹرمپ کا یہ اعلان روس اور یوکرین کے درمیان استنبول میں ہونے والے اعلیٰ سطحی مذاکرات کے بعد سامنے آیا ہے، ان مذاکرات میں دونوں ممالک نے ترکی کی ثالثی سے ایک ہزار جنگی قیدیوں کے تبادلے اور جنگ بندی مذاکرات کے تسلسل پر اتفاق کیا۔
پیوٹن نے یوکرین میں روسی فوجی آپریشن کے مقاصد کے حوالے سے کہا کہ پائیدار امن کا قیام، یوکرین میں روسی زبان بولنے والے باشندوں کے حقوق کا تحفظ اور روس کی سلامتی کی ضمانت، آپریشن کے اہم اہداف میں شامل ہیں۔
روسی صدر کا کہنا تھا کہ روس کے پاس خصوصی فوجی آپریشن کو مکمل کرنے اور مقررہ مقاصد حاصل کرنے کی مکمل صلاحیت موجود ہے۔
پیوٹن نے کہا کہ بحران کے بنیادی اسباب کا خاتمہ، پائیدار امن کے لیے حالات پیدا کرنا اور روس کی سلامتی کو یقینی بنانا ہمارے خصوصی فوجی آپریشن کے اصل مقاصد ہیں۔
انہوں نے مزید کہا کہ یوکرین میں روسی زبان بولنے والوں کے مفادات کا تحفظ بھی اس فوجی کارروائی کا ایک اہم ہدف ہے۔

مشہور خبریں۔

توانائی پر غلبہ؛ امریکہ کا عراق پر قبضہ کرنے کا منصوبہ

?️ 24 اگست 2025سچ خبریں: بغداد میں امریکی سفارت خانے نے حال ہی میں عراقی

یمن میں امن مذاکرات عید الفطر کے بعد دوبارہ شروع ہوں گے: اماراتی اخبار

?️ 20 اپریل 2023سچ خبریں:اماراتی اخبار البیان نے بتایا کہ یمن کی تحریک انصار اللہ

کیپیٹل مارکیٹ کو ماحولیاتی پائیداری کیلئے متحرک بنانے کی منصوبہ بندی کا فیصلہ

?️ 27 مارچ 2025اسلام آباد: (سچ خبریں) وفاقی حکومت نے کیپیٹل مارکیٹ کو ماحولیاتی پائیداری

ماہر سے کرائے جانے کی صورت میں پولی گرافک ٹیسٹ کارآمد ہے، لاہور ہائیکورٹ

?️ 26 اپریل 2023لاہور:(سچ خبریں) لاہور ہائی کورٹ نے قرار دیا ہے کہ پولی گراف

شہباز شریف کا سابق وزیر اعظم کو فول پروف سیکیورٹی فراہم کرنے کا حکم

?️ 21 اپریل 2022اسلام آباد(سچ خبریں)چیئرمین تحریک انصاف عمران خان کو لاحق خطرات کے پیش

بشار الاسد کی آج شام کی پارلیمنٹ میں حلف برداری کی تقریب

?️ 17 جولائی 2021سچ خبریں:شام کے صدر بشار الاسد آج اس ملک کی پارلیمنٹ میں

پابندیاں لگانے میں امریکی رویہ غیر متوقع ہے: ماسکو

?️ 2 فروری 2022سچ خبریں:  کریملن کے ترجمان دمتری پیسکوف نے صحافیوں کو بتایا کہ

یمن پر اقوام متحدہ کی رپورٹ

?️ 5 اکتوبر 2022سچ خبریں:اقوام متحدہ کے انسانی امور کے دفتر نے ایک رپورٹ میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے