امریکہ کا یورپی ممالک سے ایران کے خلاف Snapback Mechanism نافذ کرنے کا مطالبہ  

سچ خبریں:امریکہ کے وزیر خارجہ مارکو روبیو نے یورپی اتحادیوں سے مطالبہ کیا ہے کہ وہ ایران کے خلاف Snapback Mechanism کے نفاذ پر جلد اور فیصلہ کن اقدام کریں، کیونکہ ان کے بقول، ایران نے واضح طور پر موجودہ جوہری معاہدے کی خلاف ورزی کی ہے۔

امریکی وزارت خارجہ کی ویب سائٹ کے مطابق، مارکو روبیو نے یہ بیان پیرس میں یورپی نمائندوں سے ملاقات کے بعد جاری کیا،انہوں نے کہا کہ یورپی ممالک، خصوصاً ای تھری (E3) یعنی فرانس، جرمنی اور برطانیہ کو فوری طور پر فیصلہ کرنا چاہیے کہ آیا ایران کے خلاف خودکار پابندیاں بحال کی جائیں یا نہیں، کیونکہ اب مزید تاخیر کی گنجائش نہیں۔

یہ بھی پڑھیں:ایران کے خلاف پابندیاں برقرار رہیں گی:امریکہ

روبیو نے اپنی بات میں مزید کہا کہ ایران اس وقت ماضی کی نسبت سلاحِ ہسته‌ای (ایٹمی ہتھیار) کے حصول کے قریب تر ہے،انہوں نے دعویٰ کیا کہ امرریکی صدر واضح کر چکے ہیں کہ ایران کو کبھی بھی جوہری ہتھیار بنانے کی اجازت نہیں دی جائے گی۔

تاہم، ان کا یہ بیان رافائل گروسی، ڈائریکٹر جنرل ایٹمی توانائی کی بین الاقوامی ایجنسی (IAEA) کے حالیہ بیان سے متصادم ہے، گروسی نے فرانس کے اخبار لوموند کو انٹرویو میں واضح کیا تھا کہ:

> ایران کے پاس جوہری بم بنانے کی صلاحیت تو ہے، مگر اس کے پاس ابھی تک خود بم موجود نہیں، اور وہ اس سطح تک پہنچنے سے کافی دور ہے۔

مارکو روبیو نے جوہری معاہدے کی اس شق پر بھی تنقید کی جسے سن سیٹ کلاز کہا جاتا ہے، جس کے تحت کچھ پابندیاں ایک مقررہ مدت کے بعد ازخود ختم ہو جاتی ہیں۔

انہوں نے کہا کہ ایسا کوئی بھی معاہدہ جو دس سال بعد خود بخود ختم ہو جائے، ناقابل قبول ہے۔ ہمیں ایسا حل چاہیے جو مستقبل میں بھی ایران کو ایٹمی ہتھیاروں کے حصول سے روک سکے۔

ایران اور امریکہ کے درمیان پہلا غیرمستقیم مذاکراتی دور گزشتہ ہفتے عمان میں منعقد ہوا، جس میں ایران کی نمائندگی عباس عراقچی نے کی، یہ مذاکرات، 2018 میں ڈونلڈ ٹرمپ کی جانب سے برجام سے یکطرفہ علیحدگی کے بعد پہلی مرتبہ اعلیٰ سطح پر ہو رہے ہیں۔

دوسرا مذاکراتی دور آج روم، اٹلی میں متوقع ہے، حالانکہ پہلے یہ اعلان کیا گیا تھا کہ یہ مذاکرات عمان میں ہوں گے۔

ایران کے وزارت خارجہ کے ترجمان اسماعیل بقائی نے مذاکراتی مقام میں تبدیلی کو تنقید کا نشانہ بناتے ہوئے سوشل میڈیا پلیٹ فارم ایکس پر لکھا کہ سفارت کاری میں ایسی تبدیلیاں جو تندرو عناصر کی جانب سے کی جائیں، مذاکرات کے آغاز کو ہی نقصان پہنچا سکتی ہیں۔

مزید پڑھیں:امریکی رکن کانگریس کا ایران کے خلاف پابندیاں اٹھانے کا مطالبہ

مارکو روبیو کا بیان ایران کے خلاف امریکہ کی سخت گیر پالیسی کا تسلسل ہے، جبکہ یورپی ممالک اب دباؤ میں ہیں کہ وہ میکانزم ماشہ کے نفاذ سے متعلق حتمی فیصلہ کریں، دوسری جانب، ایران سفارتی عمل کے تسلسل پر زور دے رہا ہے اور مقام کی تبدیلی جیسے اقدامات کو عدم سنجیدگی قرار دے رہا ہے۔