اسرائیلی خفیہ افسران کی شناخت کا غیر معمولی انکشاف

?️ 17 نومبر 2025

سچ خبریں:ایک ٹیلیگرام اور ٹوئٹر اکاؤنٹ "Israelinreal” نے دعویٰ کیا ہے کہ یقین حماد کے گروپ نے اسرائیلی خفیہ اداروں کے افسران کے بارے میں تفصیلی اور وسیع معلومات حاصل کی ہیں، جنہیں وہ آہستہ آہستہ عوامی سطح پر انکشاف کر رہا ہے۔

اس اکاؤنٹ نے اپنی پہلی پوسٹ میں کہا کہ یقین حماد گروپ نے حال ہی میں اسرائیلی افسران کے بارے میں معلومات حاصل کی ہیں، جو فلسطینیوں کے خلاف جرائم میں ملوث رہے ہیں اور IDF (اسرائیلی فوج) کو معلوماتی حمایت فراہم کرتے رہے ہیں۔

یہ بھی پڑھیں: اسرائیلی اہلکار لمحہ بہ لمحہ سائبر حملوں کا شکار

اس گروپ نے اعلان کیا کہ انہوں نے اسرائیلی خفیہ اداروں کے افسران، بشمول موساد، ملمب، شاباک اور آمان کے بارے میں معلومات حاصل کی ہیں، جنہیں وہ اپنے خفیہ اور ظاہر ذرائع سے حاصل کرنے میں کامیاب ہوئے ہیں، اور وہ ان افسران کی شناخت کو بتدریج افشا کریں گے تاکہ دنیا بھر میں ان جرائم پیشہ افراد کے اصلی چہرے کو مزید اجاگر کیا جا سکے۔

اس اکاؤنٹ نے مزید لکھا کہ یقین حماد کی افشاگیاں اسرائیلی معلوماتی اداروں کی ناقابلِ تسخیر ہونے کی تاریخ کو چیلنج کریں گی اور دکھائیں گی کہ یہ افراد ان سے زیادہ قابل رسائی ہیں جتنا وہ سمجھتے ہیں۔

مزید پڑھیں:کارما کیا ہے اور اس نے موساد کی ناک کیسے رگڑی؟

اس اکاؤنٹ نے اپنے پہلے اقدام میں گای ساگی نامی شخص کی تصاویر بھی شائع کیں اور دعویٰ کیا کہ وہ موساد کے ایک سینئر افسر ہیں۔ اس کے ساتھ ہی اس گروپ نے اس شخص کا فون نمبر اور گھر کا پتہ بھی جاری کیا۔