یوکرین جنگ ایک اہم موڑ کے قریب:ترکی

?️ 31 مئی 2025

سچ خبریں:ترک وزیر خارجہ ہاکان فیدان نے کہا ہے کہ یوکرین جنگ ایک دو راہےپر پہنچ چکی ہے،روس نے 2 جون کو انقرہ میں مذاکرات جاری رکھنے کی آمادگی ظاہر کی ہے، جبکہ ترکی مذاکرات کی میزبانی کے لیے تیار ہے۔

الجزیرہ نیوز چینل کی رپورٹ کے مطابق، ترک وزیر خارجہ ہاکان فیدان نے کہا ہے کہ یوکرین میں جاری جنگ اب ایک اہم اور فیصلہ کن مرحلے پر پہنچ چکی ہے،یہ بات انہوں نے یوکرین کے دارالحکومت کیف کے دورے کے دوران کہی۔

یہ بھی پڑھیں: پینٹاگون کی نظر میں یوکرین کی جنگ کیسے ختم ہوگی؟

فیدان نے مزید کہا کہ ہم یوکرین جنگ کے سلسلے میں ایک حیاتی دو راہے پر کھڑے ہیں،انہوں نے یاد دلایا کہ 16 مئی کو استنبول میں ہونے والی بات چیت بحران کے سفارتی حل کے لیے ایک نئی شروعات تھی، اور ترکی اس عمل کو آگے بڑھانے کا خواہاں ہے۔

ہم چاہتے ہیں کہ استنبول میں شروع ہونے والا عمل جاری رہے اور ہم مذاکرات کے نئے دور کی میزبانی کے لیے تیار ہیں۔

ترک وزیر خارجہ نے مزید بتایا کہ روس نے ہمیں مطلع کیا ہے کہ وہ  2 جون کو انقرہ میں مذاکرات جاری رکھنے کے لیے تیار ہے، اور اس سلسلے میں ہم یوکرین سے بات چیت کر رہے ہیں۔

یہ بیان ایسے وقت سامنے آیا ہے جب امریکہ کے یوکرین سے متعلق خصوصی ایلچی نے بھی روس کی سلامتی سے متعلق خدشات کو تسلیم کرتے ہوئے کہا

روس کی جانب سے نیٹو کے مشرقی بازو میں توسیع پر تشویش ایک قدرتی امر ہے۔

امریکی اہلکار نے کیف حکومت کو یہ مشورہ بھی دیا کہ وہ ایسے بیانات سے گریز کرے جن سے یہ تاثر ملے کہ وہ روس کے ساتھ امن مذاکرات میں شرکت سے انکار کر رہی ہے۔

مزید پڑھیں: یوکرین میں جنگ کا خاتمہ ہونا چاہیئے: جرمن

یہ تمام بیانات اس وقت سامنے آ رہے ہیں جب یوکرین جنگ میں شدت اور پیچیدگی بڑھتی جا رہی ہے اور سفارتی کوششوں کو ایک نئے موڑ پر لانے کے لیے ترک حکومت ایک بار پھر متحرک نظر آتی ہے۔