دو سال بعد بھی غزہ میں حماس کی 193 کلومیٹر سرنگیں محفوظ؛صہیونی میڈیا کی رپورٹ

?️ 23 فروری 2026

سچ خبریں:صہیونی ٹی وی چینل کی رپورٹ میں اعتراف کیا گیا ہے کہ غزہ میں جاری جنگ اور تباہی کے باوجود حماس کی زیرِ زمین سرنگوں کا بڑا حصہ اب تک ناقابلِ شناخت اور محفوظ ہے، جو اسرائیل کے لیے بدستور تشویش کا باعث ہے۔

ایک صہیونی میڈیا ادارے نے رپورٹ دی ہے کہ غزہ میں دو سال کی جنگ اور صہیونی فوجی کارروائیوں کے باوجود اب بھی 193 کلومیٹر طویل سرنگیں شناسائی سے باہر اور سالم حالت میں موجود ہیں۔

یہ بھی پڑھیں: غزہ میں کتنی سرنگیں ہیں؟ امریکی اخبار کی زبانی

مرکزِ اطلاعاتِ فلسطین نے بتایا ہے کہ صہیونی ٹیلی ویژن کے چینل 14 نے اعلان کیا ہے کہ غزہ کی پٹی میں سرنگوں کے نیٹ ورک کی صورتحال اب بھی تشویشناک ہے۔

رپورٹ کے مطابق نام نہاد سرخ زون میں تقریباً 45 فیصد سرنگیں، جو 115 کلومیٹر کے برابر ہیں، شناسائی کے بعد تباہ کی جا چکی ہیں، جبکہ مزید 145 کلومیٹر یعنی 55 فیصد سرنگیں اب بھی باقی ہیں۔

اس صہیونی چینل نے مزید کہا کہ زرد زون میں بھی 83 فیصد سرنگیں، جن کی لمبائی 220 کلومیٹر بنتی ہے، دریافت کر کے تباہ کی جا چکی ہیں، تاہم اب بھی 48 کلومیٹر یعنی تقریباً 17 فیصد سرنگیں باقی ہیں۔

مزید پڑھیں: غزہ کی سرنگیں صہیونیوں کو کیسی لگیں؟

چینل 14 نے اس بات پر زور دیا کہ غزہ کی پٹی میں حماس کے سرنگوں کے نیٹ ورک کا 193 کلومیٹر حصہ اب تک کسی نقصان کے بغیر موجود ہے اور بدستور حماس کے زیرِ استعمال ہے۔