ٹرمپ پاگل ہو گیا ہے: امریکی سنیٹر

?️ 17 مارچ 2026

سچ خبریں:امریکی سنیٹر نے ٹرمپ کی ایران کے حوالے سے پالیسیوں کو سخت تنقید کا نشانہ بناتے ہوئے کہا کہ ٹرمپ پاگل ہو گئے ہیں۔

الجزیرہ نیوز چینل کی رپورٹ کے مطابق امریکی ڈیموکریٹ سنیٹر کرس ہولن نے ایران کے خلاف جنگی پالیسیوں پر تنقید کرتے ہوئے ڈونلڈ ٹرمپ کو احمق قرار دیا اور کہا کہ یہ جنگ امریکہ کو مزید غیر محفوظ بنا رہی ہے۔

رپورٹ کے مطابق امریکی ڈیموکریٹ سنیٹر کرس ہولن نے ایران کے خلاف ٹرمپ انتظامیہ کی جنگی پالیسیوں پر تنقید کرتے ہوئے کہا کہ یہ جنگ امریکہ اور اس کے اتحادیوں کو مزید غیر محفوظ بنا رہی ہے۔

انہوں نے کہا کہ ہم مسلسل دیکھ رہے ہیں کہ جواز بدلتے رہتے ہیں جبکہ کوئی واضح حتمی مقصد یا حکمت عملی موجود نہیں۔ ہم نے گویا پنڈورا باکس کھول دیا ہے۔ اس جنگ میں نہ صرف امریکی فوجی ہلاک ہوئے ہیں بلکہ ایران میں عام شہری، جن میں طالبات بھی شامل ہیں، نشانہ بنے ہیں۔ ان کے مطابق زیادہ تر امریکی عوام اس جنگ کے خلاف ہیں۔

کرس ہولن نے کہا کہ اسرائیلی وزیر اعظم نے دعویٰ کیا تھا کہ وہ چالیس سال سے ایسے موقع کے انتظار میں تھے، اور اب انہیں ایسا امریکی صدر مل گیا جو اتنا بے پروا اور ناسمجھ تھا کہ اس جنگ میں داخل ہو گیا۔ انہوں نے مزید کہا کہ اس جنگ میں اربوں ڈالر ضائع ہو چکے ہیں۔