آج اسرائیل کے لیے نہایت مشکل دن ہے؛نتین یاہو کا اعتراف 

سچ خبریں:فلسطینی مزاحمت کے حملے میں 7 صہیونی فوجیوں کی ہلاکت پر نتین یاہو اور اسرائیلی قیادت نے اسے انتہائی کٹھن دن قرار دیا۔ خان یونس میں پیچیدہ اور شدید جھڑپوں نے اسرائیلی قیادت کو شدید دباؤ میں ڈال دیا ہے۔

صیہونی وزیر اعظم بنیامین نتین یاہو نے اعتراف کیا ہے کہ آج کا دن اسرائیل کے لیے انتہائی سخت اور دردناک رہا، کیونکہ غزہ میں فلسطینی مزاحمتی کارروائی میں 7 صہیونی فوجی ہلاک اور 16 زخمی ہو گئے۔

یہ بھی پڑھیں:اسرائیل کے خلاف ایرانی حملے کے بارے میں سابق صیہونی وزیر جنگ کا تازہ ترین انکشاف

المیادین نیوز چینل کی رپورٹ کے مطابق، فلسطینی مزاحمتی فورسز نے خان یونس کے قریب ایک خصوصی آپریشن کے ذریعے صہیونی افواج پر حملہ کیا، جس کے نتیجے میں اسرائیلی فوج کو بھاری جانی نقصان اٹھانا پڑا،نتین یاہو نے اپنے بیان میں کہا کہ آج کا دن ہمارے لیے بہت مشکل ہے، غزہ میں 7 فوجیوں کی ہلاکت ہم سب کے لیے دردناک ہے۔

اسرائیلی صدر اسحاق ہرتزوگ نے بھی اپنے بیان میں اس واقعے کو ایک اور دکھ بھری صبح قرار دیا اور کہا کہ غزہ میں زمینی صورت حال نہایت پیچیدہ ہے، جھڑپیں شدید اور ناقابلِ برداشت ہو چکی ہیں۔

یائیر لاپید، اسرائیلی اپوزیشن کے رہنما، نے بھی صبح کو انتہائی افسوسناک قرار دیتے ہوئے کہا کہ جنوبی غزہ میں 7 فوجیوں کی ہلاکت اسرائیل کے لیے ایک بڑی تباہی ہے،دوسری طرف، اسرائیل کے وزیرِ ٹرانسپورٹ نے بھی تسلیم کیا کہ تل ابیب، غزہ کی جنگ میں بھاری قیمت چکا رہا ہے۔ ہم مسلسل اسرائیلی قیدیوں کی واپسی اور حماس کی عسکری طاقت کو ختم کرنے کی کوششوں میں مصروف ہیں۔

مزید پڑھیں:اسرائیل پر فتح ایران کے ہاتھوں ہوگی: عمان کے مفتی اعظم

غزہ میں زمینی حالات اسرائیل کے لیے ہر دن مزید سنگین ہو رہے ہیں۔ 7 فوجیوں کی ہلاکت اور میدان جنگ کی پیچیدگی، اسرائیلی عسکری اور سیاسی قیادت کے بیانات میں کھلے اعتراف کی صورت میں ظاہر ہو چکی ہے، فلسطینی مزاحمت نے ایک بار پھر اپنی مؤثر اور منصوبہ بند کارروائیوں سے صہیونی افواج کو شدید نقصان پہنچایا ہے۔