جولان کی پہاڑیوں پر کوئی مذاکرات نہیں ہوں گے؛اسرائیل کا اعلان !

سچ خبریں:صہیونی وزیر خارجہ گدعون ساعر نے واضح کیا ہے کہ اسرائیل شام کی جولان پہاڑیوں کے مستقبل پر کسی سے مذاکرات نہیں کرے گا،انہوں نے عرب ممالک سے تعلقات کی توسیع اور ابراہیم معاہدوں کو وسعت دینے پر بھی زور دیا۔

روسی خبر رساں ادارے اسپوٹنک کی رپورٹ کے مطابق صہیونی وزیر خارجہ گدعون ساعر نے پیر کے روز دو ٹوک انداز میں اعلان کیا ہے کہ اسرائیل، شام کی مقبوضہ جولان پہاڑیوں کے مستقبل پر کسی بھی فریق سے مذاکرات نہیں کرے گا۔

یہ بھی پڑھیں:جولان کی پہاڑیوں پر شامی فوج کا 8 سال بعد تسلط

رپورٹ کے مطابق، گدعون ساعر نے آسٹریا کے وزیر خارجہ کے ساتھ مشترکہ پریس کانفرنس میں اسرائیل کی پالیسیوں کا خلاصہ کرتے ہوئے کہا کہ اسرائیل، ابراہیم معاہدوں کو وسعت دینے اور عرب ممالک کے ساتھ تعلقات کو معمول پر لانے کے عمل کو جاری رکھنا چاہتا ہے۔

انہوں نے مزید دعویٰ کیا کہ ہم چاہتے ہیں کہ شام اور لبنان جیسے ممالک بھی اس عمل میں شامل ہوں، کیونکہ ہم اسے اپنی سلامتی کے لیے ضروری سمجھتے ہیں۔

یہ بیان ایسے وقت میں سامنے آیا ہے جب اسرائیل نے شام کی سرزمین کے مزید حصوں پر قبضہ کر رکھا ہے، خاص طور پر اس وقت کے بعد جب محمد جولانی، جو ماضی میں دہشت گرد تنظیم تحریر الشام کا سربراہ رہا ہے، اب شام میں ایک بااثر حاکم کے طور پر سامنے آیا ہے،اسرائیلی وزیر خارجہ نے خبر رساں ویب سائٹ Ynet کے حوالے سے کہا کہ ہم امید کرتے ہیں کہ اپنے تمام ہمسایوں کے ساتھ متوازن اور خوشگوار تعلقات قائم کریں۔

مزید پڑھیں:جولان کی پہاڑیوں سے چار F16 طیاروں سے دمشق پر اسرائیلی حملہ

تاہم، اسی تناظر میں انہوں نے زور دے کر کہا کہ جولان کی پہاڑیوں کے بارے میں ہم کسی بھی معاہدے یا مذاکرات میں شریک نہیں ہوں گے،قابل ذکر ہے کہ کچھ عرصہ قبل محمد جولانی نے بھی اس بات کا انکشاف کیا تھا کہ اسرائیل کے ساتھ بعض غیرمستقیم روابط بعض ثالثوں کے ذریعے قائم کیے گئے ہیں۔