جنگ نے صیہونی معاشرے کو شدید سماجی بحران میں دھکیل دیا ہے؛ صیہونی میڈیا کا اعتراف

?️ 1 اکتوبر 2025

سچ خبریں:صیہونی میڈیا نے اعتراف کیا ہے کہ جاری جنگ نے صیہونی معاشرے کو سنگین سماجی بحران سے دوچار کر دیا ہے،فوجی خدمات، گھریلو تشدد میں اضافہ اور خاندانی تعلقات کی تباہی نمایاں مسائل قرار دیے گئے ہیں۔

صیہونی اخبار یسرائیل ہیوم نے اعتراف کیا ہے کہ اگر صیہونی وزیر اعظم بنیامین نیتن یاہو نے ڈونلڈ ٹرمپ کے فراہم کردہ سیاسی موقع سے فائدہ نہ اٹھایا اور جنگ کو ختم نہ کیا، تو صیہونی معاشرے کی سماجی برداشت اور صبر کا توازن ٹوٹنے کا خدشہ بڑھ جائے گا۔

یہ بھی پڑھیں:ایران کے ساتھ جنگ کے بعد صہیونی لابی کی مایوسی

صیہونی اخبار نے اپنی تازہ رپورٹ میں خبردار کیا کہ اسرائیل کے مرکزی ادارہ برائے شماریات کے جاری کردہ اعداد و شمار کے مطابق تقریباً نصف ایسے جوڑوں نے، جن کے شوہر یا بیویاں ریزرو فورسز میں خدمات انجام دے رہے ہیں، کہا ہے کہ جنگ کے دوران ان کے خاندانی تعلقات کو شدید نقصان پہنچا ہے، یہ اعداد و شمار دیگر تحقیقی سروے اور مشاہدات سے بھی تصدیق شدہ ہیں۔

رپورٹ میں راشل عزاریا نے واضح کیا کہ یہ اعداد و شمار صیہونی معاشرے کی مکمل صورتحال کو ظاہر نہیں کرتے، فوج میں طویل خدمات اور ریزرو فورسز میں مستقل موجودگی کے نتیجے میں والدین اور بچوں کے درمیان طویل جدائی اور شوہروں اور بیویوں کے درمیان بار بار ہونے والی دوری نے صیہونی معاشرے میں حقیقی بحران کو جنم دیا ہے۔

مزید یہ بھی انکشاف کیا گیا کہ جنگ کے نتیجے میں صیہونی معاشرے میں بگڑتی سماجی صورتحال نے گھریلو تشدد میں نمایاں اضافہ کر دیا ہے اور خاندان اس جنگ کی بھاری قیمت ادا کر رہے ہیں۔

مزید پڑھیں:الازہر: ایران اسرائیل جنگ صہیونی دہشت گردی اور اس کے ڈیجیٹل ٹولز کے ارتقا کو ظاہر کرتی ہے

رپورٹ کے اختتام پر صہیونی حکام کو خبردار کیا گیا کہ اگر اسرائیلی معاشرے کی برداشت ختم ہو گئی تو پورے اسرائیل کو اس کے منفی اثرات کا خمیازہ ایک دہائی یا اس سے بھی زیادہ عرصے تک بھگتنا پڑے گا۔