ایران کے ساتھ 12 روزہ جنگ کا صیہونی معیشت پر اثر؛ صیہونی اخبار کی زبانی

?️ 4 اکتوبر 2025

سچ خبریں:صیہونی اخبار نے اعتراف کیا ہے کہ ایران کے ساتھ 12 روزہ جنگ کے دوران اسرائیل کی گیس صنعت کو شدید نقصان پہنچا، جس کے نتیجے میں گیس آمدنی میں 15 فیصد کمی واقع ہوئی اور سرکاری ریونیو ایک ارب شیکل سے نیچے گر گیا۔

صیہونی اقتصادی اخبار کالکولسٹ نے اعتراف کیا ہے کہ ایران کے ساتھ 12 روزہ جنگ نے صیہونی ریاست کی گیس صنعت کو بھاری نقصان پہنچایا ہے،رپورٹ کے مطابق جنگ کے نتیجے میں اسرائیل کی گیس آمدنی میں 15 فیصد کمی ریکارڈ کی گئی۔

یہ بھی پڑھیں:7 اکتوبر سے ایران کے ساتھ 12 روزہ جنگ تک نیتن یاہو کی ناکامیاں

صیہونی اقتصادی اخبار کالکولسٹ نے اپنی تازہ رپورٹ میں لکھا کہ قدرتی گیس سے حاصل ہونے والی آمدنی سال 2025 کی پہلی ششماہی میں نمایاں طور پر کم ہوئی ہے،یہ آمدنی 2024 کی پہلی ششماہی میں 1.13 ارب شیکل تھی، جو اس سال گھٹ کر 967 ملین شیکل تک رہ گئی۔

رپورٹ کے مطابق جنگ کے دوران اسرائیل کے تین میں سے دو اہم گیس پلیٹ فارم بند ہو گئے، جس کی وجہ سے قدرتی گیس کی پیداوار اور برآمدات دونوں شدید متاثر ہوئیں۔

مزید بتایا گیا کہ صیہونی حکومت کو اپنی تین فعال آف شور گیس فیلڈز (تامر، لویاتان اور کاریش) سے حاصل ہونے والی کل آمدنی 967 ملین شیکل تک محدود ہو گئی، جو کہ پچھلے سال کی نسبت 14.6 فیصد کم ہے۔

رپورٹ میں مزید کہا گیا کہ جنگ کے علاوہ دو دیگر عوامل بھی اس مالی خسارے کے ذمہ دار ہیں:

1. مئی میں گیس ذخائر کو محفوظ رکھنے کی پالیسی۔
2. امریکی ڈالر کی شرحِ تبادلہ میں کمی۔

اعداد و شمار کے مطابق 2025 کی پہلی ششماہی میں اسرائیل کی قدرتی گیس کی کل پیداوار 12.5 ارب مکعب میٹر رہی، جو پچھلے سال اسی مدت میں 13.4 ارب مکعب میٹر تھی۔

برآمدی گیس سے حاصل شدہ آمدنی 557 ملین شیکل ریکارڈ کی گئی، جو گزشتہ برس کے مقابلے میں واضح کمی کو ظاہر کرتی ہے۔

مزید پڑھیں:صہیونی میڈیا: ایران کے ساتھ 12 روزہ جنگ نے اسرائیل کی معیشت کو دوبارہ کورونا کے دور میں پہنچا دیا

یہ صورتحال ظاہر کرتی ہے کہ صیہونی گیس انڈسٹری، جو اس کی معیشت کا ایک اہم ستون سمجھی جاتی ہے، اب نہ صرف علاقائی جنگوں بلکہ عالمی مالیاتی اتار چڑھاؤ سے بھی براہ راست متاثر ہو رہی ہے۔