ایران کے ساتھ جاری جنگ کے اثرات؛ تل ابیب کو کروڑوں ڈالرز کا ممکنہ نقصان

?️ 4 اپریل 2026

سچ خبریں:خطے میں جاری جنگ اور اسرائیلی فوج کی فوجی ضروریات پوری کرنے میں مشکلات کے باعث، رومانیہ نے تل ابیب کے ساتھ اپنے ڈرون خریداری کے معاہدے کو منسوخ کرنے پر غور شروع کر دیا ہے، اس معاہدے کی مالیت سیکڑوں ملین ڈالر بتائی جاتی ہے۔

المیادین نیوز چینل کی رپورٹ کے مطابق، عبری زبان کے ذرائع ابلاغ نے بتایا ہے کہ رومانیہ اسرائیل کے ساتھ اپنے ڈرون خریداری کے معاہدے کو منسوخ کرنے کے امکان کا جائزہ لے رہا ہے۔

رپورٹ کے مطابق یہ معاہدہ، جس کی مالیت سیکڑوں ملین ڈالر ہے، اسرائیلی اسلحہ سازی کے شعبے میں ایک اہم منصوبہ سمجھا جاتا تھا۔

اس سلسلے میں بتایا گیا ہے کہ البت سسٹمز جو اسرائیلی فوج کے لیے زمینی سازوسامان اور ڈرون تیار کرنے والی بڑی کمپنیوں میں شمار ہوتی ہے،کا ایک اہم دفتر حالیہ ایرانی میزائل حملے میں نشانہ بنا تھا۔

مزید کہا گیا ہے کہ اس معاہدے کی ممکنہ منسوخی خطے میں بڑھتے ہوئے سیکیورٹی دباؤ اور جاری جنگ کے تناظر میں زیر غور آئی ہے، کیونکہ مسلسل تنازعات نے اسرائیل کی فوجی پیداوار اور اسلحہ کے ذخائر کو متاثر کیا ہے، جس کے نتیجے میں بین الاقوامی معاہدوں کی بروقت تکمیل بھی دباؤ کا شکار ہو گئی ہے۔