ٹرمپ کے دباؤ کے باوجود جنوبی کوریا کا آبنائے ہرمز میں فوج بھیجنے سے انکار

?️ 18 ستمبر 2026

سچ خبریں:جنوبی کوریا کے صدر لی جے میونگ نے کہا ہے کہ ان کا ملک آبنائے ہرمز میں فوج تعینات نہیں کرے گا، جبکہ امریکہ اس آبی گزرگاہ کو دوبارہ کھولنے کے لیے جنوبی کوریا پر دباؤ ڈال رہا ہے۔

آر ٹی کے مطابق، جنوبی کوریا کے صدر لی جے میونگ نے واضح کیا ہے کہ ان کا ملک آبنائے ہرمز میں فوج تعینات نہیں کرے گا۔

یہ بیان ایسے وقت سامنے آیا ہے جب امریکہ آبنائے ہرمز میں بحری آمدورفت بحال کرنے کے لیے جنوبی کوریا پر دباؤ بڑھا رہا ہے۔

اس سے قبل امریکی صدر ڈونلڈ ٹرمپ نے کہا تھا کہ انہوں نے جنوبی کوریا کے صدر سے اس عمل میں شرکت کی درخواست کی تھی، تاہم انہیں انکار کا سامنا کرنا پڑا۔

اس سے پہلے جنوبی کوریا کے وزیر خارجہ نے ایران کے وزیر خارجہ سید عباس عراقچی سے ٹیلی فون پر گفتگو کی تھی، جس میں مشرق وسطیٰ کی تازہ صورتِ حال اور آبنائے ہرمز کی صورتحال پر تبادلۂ خیال کیا گیا۔

جنوبی کوریا کی وزارت خارجہ کے ایک عہدیدار نے اس گفتگو کی تفصیلات بتاتے ہوئے کہا کہ وزیر خارجہ نے اپنے ملک کا یہ مؤقف واضح کیا کہ آبنائے ہرمز میں ممکنہ فوجی تعیناتی کے حوالے سے ابھی کوئی فیصلہ نہیں کیا گیا ہے۔ انہوں نے اس آبی گزرگاہ میں آزادانہ بحری آمدورفت جلد از جلد بحال کرنے کی اہمیت پر بھی زور دیا۔