صیہونی اعلیٰ فوجی عہدیدار کے چونکا دینے والے انکشافات 

سچ خبریں:صیہونی فوج کے سربراہ جنرل ایال زامیر نے ایک متنازع اور حیران کن بیان میں اعتراف کیا ہے کہ اسرائیلی فوج (آئی ڈی ایف) اس وقت شدید انسانی وسائل کی قلت کا سامنا کر رہی ہے اور موجودہ حالات میں حکومتی اہداف کو حاصل کرنا تقریباً ناممکن دکھائی دیتا ہے۔

یہ بھی پڑھیں: غزہ کے خلاف اسرائیلی دہشت گردی کے اثرات، صہیونی فوج میں شدید اختلافات پیدا ہوگئے

صیہونی اخبار یدیعوت احرونٹ کی رپورٹ کے مطابق قابض فوج سربراہ جنرل ایال زامیر نے ایک متنازع اور حیران کن بیان میں صیہونی فوج میں افرادی قوت کی کمی کا اعتراف کرتے ہوئے کہا کہ جنگ کو شروع ہوئے ڈیڑھ سال گزر چکا ہے، لیکن اس کے باوجود غزہ کے فوجی اور غیر فوجی معاملات پر ابھی تک حماس کا مکمل کنٹرول ہے۔

ان کے مطابق، غزہ میں جنگ کے دوران طے کیے گئے زیادہ تر عسکری اور سیاسی اہداف ابھی تک حاصل نہیں کیے جا سکے، اسرائیلی کابینہ خود بھی غزہ میں حماس کے متبادل کی تلاش سے گریزاں ہے، جس سے صورتحال مزید پیچیدہ ہو گئی ہے۔

صیہونی فوجی سربراہ نے مزید کہا کہ اگر اسرائیل واقعی غزہ پر مکمل قبضے کی طرف جائے تو یہ ایک طویل المدت جنگی منصوبہ بن جائے گا، جس کے لیے دسیوں ہزار فوجیوں کی مستقل موجودگی درکار ہو گی۔

انہوں نے خبردار کیا کہ ایسا کوئی آپریشن نہ صرف فوجی لحاظ سے مشکل بلکہ سیاسی، سماجی اور اقتصادی طور پر بھی مہنگا اور غیر یقینی ہو گا۔

اسرائیلی اخبار یدیعوت احرونٹ نے رپورٹ دی ہے کہ حماس نہ صرف اسرائیلی حملوں کا مقابلہ کر رہی ہے بلکہ اپنی عسکری طاقت کو محفوظ رکھنے کی حکمت عملی پر بھی کاربند ہے۔

اخبار کے مطابق، حماس نے اپنی اسٹریٹجک پالیسیوں کو محفوظ اور منظم انداز میں جاری رکھا ہے، اور اسرائیل کی بار بار کی بمباری کے باوجود اپنے بنیادی ڈھانچے کو بچانے میں کامیاب رہی ہے۔

ایال زامیر کا یہ بیان محض ایک عسکری اعتراف نہیں بلکہ صہیونی سیاسی و عسکری پالیسیوں کی ناکامی کا کھلا اشارہ ہے۔

غزہ میں مسلسل فوجی کارروائیوں، ہوائی حملوں اور زمینی پیش رفت کے باوجود اسرائیلی فوج اپنے اصل اہداف حاصل کرنے میں ناکام رہی ہے۔

مزید پڑھیں: فوج کی کمی پوری کرنے کے لیے صیہونیوں کا احمقانہ منصوبہ

یہ صورتحال نہ صرف فوجی محاذ پر بلکہ داخلی سیاست اور معاشی نظام پر بھی دباؤ ڈال سکتی ہے، خصوصاً ایسے وقت میں جب عالمی برادری میں بھی اسرائیل کی پالیسیوں پر تنقید بڑھتی جا رہی ہے۔