یوکرینی صدر کے توہمات پر روس کا ردعمل

سچ خبریں:روسی وزارت خارجہ نے زلنسکی کے دعوے کو توہمات بیمارگونه قرار دیتے ہوئے کہا ہے کہ اس ملک کے صدر پیوٹن استانبول امن مذاکرات میں شریک نہیں ہوئے ،ماسکو نے واضح کیا کہ مذاکرات میں روسی وفد سینئر ماہرین پر مشتمل تھا۔

یہ بھی پڑھیں:یوکرین جنگ بندی کے بارے میں مغربی ممالک کی پس پردہ مشاورت

روسیا الیوم کی رپورٹ کے مطابق روسی وزارت خارجہ کی ترجمان ماریا زاخارووا نے یوکرینی صدر ولودیمیر زلنسکی کے اس بیان پر سخت ردعمل ظاہر کیا ہے جس میں انہوں نے دعویٰ کیا تھا کہ صدر ولادیمیر پوتین استانبول میں ہونے والے امن مذاکرات میں شریک تھے۔

رپورٹ کے مطابق  ماریا زاخارووا نے کہا کہ زلنسکی کے یہ تصورات بیمار خیالات اور حقیقت سے دور ہیں، ان کا کہنا تھا کہ روس نے پہلے ہی اعلان کر دیا تھا کہ استانبول میں ہونے والے مذاکرات کے لیے ایک اعلیٰ سطحی ماہرین پر مشتمل وفد روانہ کیا گیا تھا، نہ کہ صدر پوتین۔

انہوں نے مزید کہا کہ کیا یوکرینی وفد صدر کی آمد کا انتظار کر رہا تھا؟ یہ زلنسکی کی سستی توہم پرستی کی ایک اور مثال ہے۔

مزید پڑھیں:اقوام متحدہ میں یوکرین جنگ بندی سے متعلق امریکی قرارداد منظور

یاد رہے کہ ولودیمیر زلنسکی پہلے بھی کئی بار پیوٹن سے براہ راست مذاکرات کی آمادگی ظاہر کر چکے ہیں۔