فلسطینی مجاہدین کی صیہونیوں پر کاری ضرب

?️ 14 اکتوبر 2024

سچ خبریں: فلسطینی مزاحمتی گروہوں نے اعلان کیا ہے کہ انہوں نے غزہ کی پٹی میں صہیونی فوج اور اس کے جنگی سازوسامان پر شدید حملے کیے ہیں۔

الجزیرہ نیوز چینل کی رپورٹ کے مطابق طوفان الاقصیٰ آپریشن کے آغاز کے ایک سال سے زائد عرصہ گزرنے کے باوجود، فلسطینی مزاحمتی گروہ اب بھی اسرائیلی فوج پر کاری ضربیں لگا رہے ہیں۔

یہ بھی پڑھیں: طولکرم میں صیہونی فوجی فلسطینی مجاہدین کے آہنی پنجوں میں گرفتار

حماس کی عسکری شاخ قسام بریگیڈز نے اعلان کیا ہے کہ ان کے مجاہدین نے شمالی غزہ کی جبالیا پناہ گزین کیمپ میں دو اسرائیلی مرکاوا ٹینکوں کو اینٹی ٹینک بموں اور ایک تاندوم شیل سے نشانہ بنایا۔

اس کے علاوہ، قسام کے مجاہدین نے جبالیا کے مشرق میں واقع ایک گھر کو بھی نشانہ بنایا، جس میں درجنوں اسرائیلی فوجی چھپے ہوئے تھے اور انہیں ہلاک یا زخمی کر دیا۔

اسی طرح قسام بریگیڈز نے بیت لاہیا کے شمال میں ایک اسرائیلی بکتر بند گاڑی کو تاندوم شیل سے تباہ کیا، اور ایک سرنگ کے دہانے کو بھی دھماکے سے اڑا دیا جس سے کئی اسرائیلی فوجی ہلاک یا زخمی ہوئے۔

مزید برآں، قسام کے مجاہدین نے رفح کے مشرق میں الجنینہ علاقے میں ایک مرکاوا ٹینک کو یاسین 105 گولہ سے نشانہ بنایا۔

جہاد اسلامی کی عسکری ونگ، القدس بریگیڈز نے بھی ایک مرکاوا ٹینک کو جبالیا کیمپ میں تاندوم شیل سے اور دو اسرائیلی جنگی گاڑیوں کو غزہ شہر کے جنوب مشرقی علاقے الزیتون میں "ثاقب” بموں سے نشانہ بنایا۔

مزید پڑھیں: صیہونی انجینئرنگ فورس فلسطینی مجاہدین کے آہنی پنجوں میں گرفتار

درایں اثنا القدس بریگیڈز کے مجاہدین نے الزیتون کے علاقے میں اسرائیلی فوج کا ایک جاسوسی ڈرون بھی مار گرایا۔