?️
اردن (سچ خبریں) بیت المقدس میں موجود مقدس مقامات کی سرپرستی کے معاملے کو لے کر اردن نے اہم بیان جاری کرتے ہوئے کہا ہے کہ بیت المقدس میں موجود مقدس مقامات کی سرپرستی کا آئینی حق اردن کی ہاشمی مملکت کے پاس ہے اور یہ حق عمان سے لے کرکسی دوسرے ملک کو نہیں دیا جاسکتا۔
اردن نے اسرائیلی ذرائع ابلاغ میں آنے والی ان قیاس آرائیوں اور مفروضوں کو مسترد کردیا ہے جن میں کہا گیا ہے کہ سعودی عرب اس شرط پر اسرائیل کے ساتھ تعلقات معمول پر لا سکتا ہے کہ اسرائیل بیت المقدس میں موجود حرم قدسی اور دیگر مقدس مقامات کی سرپرستی اردن سے لے کر سعودی عرب کو سونپ دے۔
اردنی وزیر خارجہ ایمن الصفدی نے اس طرح کی تمام قیاس آرائیوں اور مفروضوں کو غیر منطقی قرار دیتے ہوئے مستردکردیا ہے۔
ان کا کہنا ہے کہ بیت المقدس میں موجود مقدس مقامات کی سرپرستی کا آئینی حق اردن کی ہاشمی مملکت کے پاس ہے اور یہ حق عمان سے لے کرکسی دوسرے ملک کو نہیں دیا جاسکتا۔
امریکی ٹی وی چینل سی این این کو دیے گئے انٹرویو میں انہوں نے کہا کہ ہم ایسے کسی مفروضے اور فرضی قیاس آرائی کو نہیں مانتے جس میں بیت المقدس کے مقدس مقامات کی سرپرستی اردن سے لے کر کسی دوسرے ملک کو دی جاسکتی ہے۔
اردنی وزیر خارجہ کا کہنا تھا کہ اگر کوئی شخص ایسا کوئی مفروضہ پیش کرتا ہے تو فی الحقیقت اس کا کوئی منطقی جواز نہیں۔
انہوں نے کہا کہ مقدس مقامات کی سرپرستی سے متعلق بہت سے افواہیں پھیلائی جا رہی ہیں اور سازشی نظریات کو فروغ دیا جا رہا ہے مگر حقیقت یہ ہے کہ سعودی عرب ہاشمی مملکت کے فلسطینی مقدس مقامات کی سرپرستی کا حامل ہے۔
انہوں نے کہا کہ اردن اور سعودی عرب کے درمیان گہرے دوستانہ تعلقات قائم ہیں، قضیہ فلسطین اور دوسرے حل طلب مسائل کے حوالے سے سعودی عرب اور اردن ایک دوسرے کے ساتھ رابطے میں ہیں اور دونوں ملکوں میں ہم آہنگی پائی جاتی ہے۔
ایمن الصفدی کا کہنا تھا کہ بیت المقدس میں موجود مسیحی اور مسلم مقدس مقامات کی سرپرستی اردن کا تاریخی عمل ہے جسے مسلمان، عرب ممالک اور عالمی برادری کی حمایت حاصل ہے۔
خیال رہے کہ اسرائیلی ذرائع ابلاغ میں اس نوعیت کی افواہیں شائع ہو رہی ہیں میں یہ تاثر دیا جا رہا ہے کہ سعودی عرب اسرائیل کے ساتھ تعلقات استوار کرنے کے لیے یہ شرط بھی عائد کررہا ہے کہ تعلقات معمول پر لانے کے بعد اسرائیل القدس میں موجود مقدس مقامات کی سرپرستی کا حق اردن کے بجائے سعودی عرب کو دے گا۔


مشہور خبریں۔
ترکیہ کے صدر رجب طیب اردگان کا پی کے کے کے انحلال پر پہلا ردعمل
?️ 13 مئی 2025سچ خبریں: ترکی کے صدر رجب طیب ایردوان نے کابینہ اجلاس کے
مئی
خطرات سے نمٹنے کیلئے تیار، آزادی و خودمختاری پر سمجھوتہ نہیں کرینگے۔ فیلڈ مارشل
?️ 14 اگست 2025راولپنڈی (سچ خبریں) فیلڈ مارشل سید عاصم منیر نے کہا ہے کہ
اگست
اسرائیلی حکومت کے ساتھ تعلقات کو معمول پر لانے کی مشین رک چکی ہے: سعد اللہ زارعی
?️ 15 اپریل 2023سچ خبریں:عالمی یوم قدس کے موقع پر مغربی ایشیائی مسائل کے سینئر
اپریل
ہماری حکومت بھارت سے دوستانہ تعلقات کی خواہشمند ہے: وزیر خارجہ
?️ 4 اپریل 2021ملتان(سچ خبریں)وزیرِ خارجہ شاہ محمود قریشی نے کہا ہے کہ ہماری حکومت
اپریل
ڈپٹی چیئرمین سینیٹ کی ملک میں 9 صوبوں کے قیام کی تجویز
?️ 2 جولائی 2023اسلام آباد: (سچ خبریں) ڈپٹی چیئرمین سینیٹ مرزا محمد آفریدی نے ملک
جولائی
9 فروری کا سورج پاکستان کی ترقی کا سورج ہوگا، مریم نواز
?️ 4 فروری 2024اسلام آباد: (سچ خبریں) پاکستان مسلم لیگ (ن) کی شیف آگنائزر مریم
فروری
تل ابیب کی صورتحال انتہائی خراب ہے؛ صہیونی ذرائع ابلاغ کا اعتراف
?️ 29 جون 2026سچ خبریں:ایک صہیونی ذرائع ابلاغ نے لبنان کے ساتھ معاہدے کو ایک
جون
کیا بالکان میں ترکی کی فعالیت بڑھے گی؟
?️ 20 اگست 2025سچ خبریں: ترک تجزیہ کاروں کا خیال ہے کہ اگر بالکان میں
اگست