نہ جنگ نہ امن کی صورتحال خطے کا پائیدار حل نہیں: قرقاش

?️ 31 اگست 2026

سچ خبریں:اماراتی صدر کے مشیر انور قرقاش نے کہا ہے کہ خطے میں نہ جنگ نہ امن کی صورتحال پائیدار نہیں اور سیاسی حل کے لیے کشیدگی میں کمی اور آبنائے ہرمز میں بحری آمدورفت کی بحالی ضروری ہے۔

متحدہ عرب امارات کے صدر کے مشیر انور قرقاش نے کہا ہے کہ خطے کو ایسے حقیقت پسندانہ اور پائیدار سیاسی حل کی ضرورت ہے، جس کا آغاز کشیدگی میں کمی اور آبنائے ہرمز کے ذریعے بحری آمدورفت کی بحالی سے ہونا چاہیے۔

قرقاش نے سماجی رابطے کی ویب سائٹ ایکس پر لکھا کہ نہ جنگ اور نہ امن کی صورتحال کوئی پائیدار حل نہیں ہوسکتی اور یہ ظاہر کرتی ہے کہ آج خطے کو حقیقت پسندانہ اور پائیدار سیاسی حل کی ضرورت ہے۔

انہوں نے مزید کہا: آج ایسے حقیقت پسندانہ اور پائیدار سیاسی حل کی ضرورت ہے جو بحران کے سیاسی اور اقتصادی پہلوؤں سے نمٹ سکے۔ اس کا آغاز کشیدگی پر قابو پانے اور آبنائے ہرمز میں بحری آمدورفت کو معمول کی حالت میں واپس لانے سے ہونا چاہیے اور اس کے نتیجے میں ایک ایسا زیادہ حقیقت پسندانہ طریقہ کار سامنے آنا چاہیے جو اس مفاہمتی یادداشت سے آگے بڑھ سکے، جو ایک قابل عمل اور قابل قبول روڈ میپ پیش کرنے میں ناکام رہی۔