شہید ابوحمزہ کا شہادت سے کچھ دیر قبل پیغام

سچ خبریں:شہید ابوحمزہ نے شہادت سے کچھ دیر قبل اپنے آخری خطاب میں صہیونی ریاست کے مکمل بائیکاٹ اور مزاحمتی محاذ کی عوامی حمایت میں اضافے کا مطالبہ کیا تھا۔

یہ بھی پڑھیں: غزہ پر صیہونی حکومت کے وحشیانہ حملوں پر ریاض اور دوحہ کا ردعمل

المیسیر نیوز چینل کی رپورٹ کے مطابق فلسطینی جہاد اسلامی  تحریک سے وابستہ قدس بریگیڈز کے سابق ترجمان شہید ابوحمزہ نے شہادت سے قبل صنعا میں منعقدہ فلسطین کی حمایت کے تیسرے اجلاس کے لیے ایک ویڈیو پیغام ریکارڈ کیا تھا۔

انہوں نے اپنے خطاب میں واضح کیا کہ فلسطینی سرزمین پر صہیونی ریاست کا قیام استعماری اور ظالمانہ پالیسیوں کا تسلسل ہے جو عرب اور اسلامی دنیا میں وحدت کو روکنے کے لیے تشکیل دیا گیا تھا۔

مزاحمتی تحریک کے اس عظیم شہید نے زور دے کر کہا کہ مغربی صہیونی منصوبے کے خلاف مزاحمتی محاذ کا یہ جہاد فلسطین سے شروع ہو کر لبنان، یمن، ایران اور عراق تک پھیل چکا ہے۔

انہوں نے دنیا بھر کے آزادی پسندوں پر زور دیا کہ وہ مزاحمتی محاذ میں شامل ہوں  اور کہا کہ ہم طوفان الاقصیٰ میں ایک عظیم کامیابی اور ناقابل فراموش ثابت قدمی کے گواہ ہیں جس نے صہیونی ریاست کے منصوبوں کو ناکام بنا دیا۔

شہید ابوحمزہ نے واضح کیا کہ طوفان الاقصیٰ کی عسکری کارروائیوں کا تسلسل صہیونی ریاست کے زوال کا باعث بنے گا۔

انہوں نے اسلامی وحدت اور فلسطینی قوم و مقاومت کی حمایت پر زور دیتے ہوئے کہا کہ صہیونی دشمن سے ہر قسم کے تعلقات منقطع کر دینے چاہئیں۔

شہید ابوحمزہ نے یمن کی طوفان الاقصیٰ کی حمایت میں شرکت کو اس جدوجہد میں ایک اہم موڑ قرار دیتے ہوئے کہا کہ یمن میں عوامی ریلیوں میں بڑے پیمانے پر شرکت نے یمنی مسلح افواج کی صہیونی مخالف کارروائیوں کو جاری رکھنے کے لیے مضبوط محرک فراہم کیا ہے۔

مزید پڑھیں:غزہ جنگ کے دوبارہ شروع ہونے پر صہیونی خاندانوں کا خوفناک ردعمل

انہوں نے فلسطین کی آزادی تک مسلح جدوجہد جاری رکھنے کے حوالے سے اسلامی جہاد تحریک کے عزم کی بھی تصدیق کی۔