یمنی میزائل اور ڈرون حملوں کو روکنا ناممکن ہے؛صہیونی تجزیہ کار کا اعتراف 

سچ خبریں:صہیونی تجزیہ کار آوی اشکنازی نے اعتراف کیا ہے کہ یمن سے ہونے والے مسلسل میزائل و ڈرون حملوں کا مکمل دفاع ممکن نہیں، اور بن گورین ایئرپورٹ پر حالیہ حملہ اسرائیل کے لیے ایک اسٹریٹجک دھچکا ثابت ہوا۔

صہیونی اخبار معاریو سے وابستہ صہیونی تجزیہ کار آوی اشکنازی نے کھلے الفاظ میں اعتراف کیا ہے کہ اسرائیل، یمن کی مسلح افواج کی جانب سے ہونے والے میزائل اور ڈرون حملوں کو مکمل طور پر روکنے سے قاصر ہے۔

یہ بھی پڑھیں: یمن کے بیلسٹک میزائل حملے کی انفرادیت؛اسرائیل کے دل پر کاری وار

سما خبر رساں ادارہ کے مطابق، اشکنازی نے کہا کہ گزشتہ ڈیڑھ سال کے دوران یمن سے اسرائیل کی جانب دسیوں میزائل اور ڈرون فائر کیے جا چکے ہیں اور اب یہ بات بالکل واضح ہو چکی ہے کہ ان تمام حملوں کو روکنا ممکن نہیں۔

انہوں نے مزید کہا کہ اسرائیل کی فضاؤں پر ایک ایسی ‘آہنی دیوار بنانا جو ہر قسم کے میزائل اور ڈرونز کو روک سکے، ایک ناممکن خیال ہے۔

ان کا کہنا تھا کہ بن گوریون ایئرپورٹ پر ہونے والا حالیہ حملہ محض ایک علامتی کارروائی نہیں، بلکہ یہ ایک گہرا اسٹریٹجک حملہ تھا جس نے اسرائیل کو عالمی سطح پر تنہائی میں دھکیل دیا ہے۔

مزید پڑھیں: یمن کی مزاحمتی کارروائیاں اور صیہونیوں کی بے بسی

یہ تبصرہ اس وقت سامنے آیا ہے جب یمن کی افواج نے تل ابیب کے بین گورین ایئرپورٹ پر ایک کامیاب میزائل حملہ کیا، جس کے بعد تمام پروازیں منسوخ کر دی گئیں اور اسرائیل کے ہوائی نظام پر سوالات کھڑے ہو گئے ہیں۔