اسرائیلی پولیس کی وحشیانہ کاروائی، چہرے پر فلسطینی جھنڈا بنانے کے جرم میں بچی کو گرفتار کرلیا

?️ 4 جون 2021

مقبوضہ بیت المقدس (سچ خبریں)  اسرائیلی پولیس نے ایک وحشیانہ کاروائی کے دوران ایک فلسطینی بچی کو صرف اس لیئے گرفتار کرلیا کہ اس نے اپنے چہرے پر فلسطینی جھنڈا بنایا ہوا تھا۔

تفصیلات کے مطابق قابض صہیونی پولیس نے جمعرات کے روز مقبوضہ بیت المقدس کے مشرق میں شیخ جراح کے علاقے سے فلسطینی بچی کو گرفتار کرلیا، شیخ الجراح کے رہائشیوں کو اسرائیل کی جانب سے بے گھر کرنے کے خطرات کا سامنا ہے۔

مقامی ذرائع کے مطابق  پولیس افسروں نے 14 سالہ نفود حماد کو بچے کے چہرے پر جھنڈا بنانے کے الزام میں قصبے کے مرکزی داخلی دروازے سے گرفتار کر لیا۔

اسے مقدس شہر میں صلاح الدین سڑک پر  پولیس کے حراستی مرکز  لے جایا گیا جہاں اسے رہا کرنے سے پہلے اس سے سوال جواب کیے گئے۔

اس کے خاندان نے کہا کہ صہیونی تفتیشی نے  بچی کو دھمکایا لیکن بچی نے اسے بتایا کہ وہ جھوٹی ہے اور اس کی دھمکی سے وہ خوفزدہ نہیں ہے۔