اسرائیلی مقبوضہ علاقوں کو لاس اینجلس جیسی بڑی آتشزدگی کا خطرہ  

سچ خبریں:صہیونی حکام نے مقبوضہ علاقوں میں لاس اینجلس جیسی بڑے پیمانے پر آتشزدگی کے خطرے کے بارے میں خبردار کیا ہے۔  

عربی 21 نیوز ایجنسی کی رپورٹ کے مطابق عبرانی ویب سائٹ ٹائمز آف اسرائیل نے رپورٹ  دی کہ صہیونی فائر فائٹنگ اداروں کے حکام نے کیلیفورنیا جیسی بڑے پیمانے پر آتشزدگی کے مقبوضہ علاقوں میں پھیلنے کے امکان کے بارے میں خبردار کیا ہے۔

یہ بھی پڑھیں: کیلیفورنیا میں ہنگامی حالات کا اعلان

رپورٹ کے مطابق صہیونی حکام نے خبردار کیا ہے کہ لاس اینجلس جیسی بڑے پیمانے پر آتشزدگی کا خطرہ موجود ہے اور یہ ناگزیر ہے۔

انہوں نے مزید کہا کہ یہ آتشزدگی مقبوضہ علاقوں میں رونما ہوگی اور اسے روکنے کا کوئی راستہ نہیں ہے،کیلیفورنیا اور مقبوضہ علاقوں کے موسم میں مماثلت پائی جاتی ہے اور موسمی تبدیلیوں کے باعث یہ خطرہ بڑھ گیا ہے،اس کے باوجود صہیونی حکام نے تسلیم کیا کہ وہ اس ممکنہ خطرے سے نمٹنے کے لیے تیار نہیں ہیں۔

مزید پڑھیں: کیلیفورنیا کا جہنم؛ امریکی فائر فائٹرز بالٹیوں کے ذریعے کیوں آگ بجھاتے ہیں؟

یہ بات قابل ذکر ہے کہ صہیونی حکومت فائر فائٹرز کی کمی کا شکار ہے اور یہ مسئلہ حزب اللہ کے حملوں کے دوران مقبوضہ علاقوں میں لگنے والی آگ کو بجھانے میں واضح طور پر سامنے آیا تھا۔