اسرائیل غزہ میں طبی مراکز پر حملے بند کرے:عالمی ادارہ صحت

?️ 24 نومبر 2024

سچ خبریں:عالمی ادارہ صحت (ڈبلیو ایچ او) کی ترجمان نے اسرائیل سے مطالبہ کیا ہے کہ وہ غزہ کے طبی مراکز پر حملے فوری طور پر روک دے۔

ڈبلیو ایچ او کی ترجمان مارگریٹ ہیرس نے الجزیرہ نیوز چینل کو بتایا کہ غزہ کے کمال عدوان اسپتال پر ڈرون حملے سے اس طبی مرکز کو شدید نقصان پہنچا ہے۔

یہ بھی پڑھیں: غزہ میں 400 دن کی جنگ کے المناک اثرات؛ وہ بچے جو دنیا میں آئے بغیر ہی چلے گئے

انہوں نے مزید کہا کہ اس حملے میں اسپتال کے چار ملازمین اور مریضوں کے ساتھ آنے والے کئی افراد زخمی ہوئے ہیں۔

مارگریٹ ہیرس نے طبی مراکز کو نشانہ بنانے کی سخت مذمت کرتے ہوئے کہا کہ تمام طبی مراکز اور امدادی ٹیموں کو ہر قسم کے حملوں سے محفوظ رکھا جانا چاہیے۔

انہوں نے کہ یہ اقدامات بین الاقوامی قوانین کی کھلی خلاف ورزی ہیں اور غزہ میں صحت کی سہولیات پر دباؤ مزید بڑھا رہے ہیں۔

ڈبلیو ایچ او کی ترجمان نے مزید کہا کہ یہ ادارہ اقوام متحدہ کے ساتھ مل کر اس علاقے میں فوری جنگ بندی کا مطالبہ کر رہا ہے اور دنیا بھر کے لوگوں سے اپیل کرتا ہے کہ وہ غزہ میں جنگ کے خاتمے کا مطالبہ بلند کریں۔

مزید پڑھیں: غزہ کی پٹی کے شمال میں 1000 سے زائد طبی عملے شہید

مارگریٹ ہیرس کے یہ بیانات غزہ میں انسانی بحران کی شدت پر بین الاقوامی حکام کی گہری تشویش کو ظاہر کرتے ہیں۔