ہم نے حماس کے سامنے ہتھیار ڈال دیے:انتہاپسند صیہونی وزیر کا اعتراف   

سچ خبریں:صیہونی ریاست کے انتہا پسند اور مستعفی وزیر نے اعتراف کیا کہ نیتن یاہو کی کابینہ حماس تحریک کے مطالبات کے سامنے ہتھیار ڈالنے پر مجبور ہوئی ہے۔  

الجزیرہ نیوز چینل کی رپورٹ کے مطابق صیہونی ریاست کے مستعفی وزیر برائے داخلی سلامتی نے ایک بار پھر فلسطینی مزاحمت کے سامنے اس ریاست کی ناکامی کا اعتراف کیا۔

یہ بھی پڑھیں: حماس کے مطالبات کے مقابلے میں صیہونیوں نے ڈالے ہتھیار 

رپورٹ کے مطابق، ایتامر بن گویر نے غزہ میں جنگ بندی کے معاہدے کی شرائط پر عملدرآمد کے لیے حماس تحریک کی مطالبات کو ماننے پر مجبور ہونے کے ردعمل میں کہا کہ نیتن یاہو کی حکومت نے امریکی صدر ڈونلڈ ٹرمپ کے بیانات سے فائدہ اٹھا کر حماس کو کچلنے کے بجائے اس گروپ کے سامنے ہتھیار ڈالنے کا سلسلہ جاری رکھا ہے۔

مزید پڑھیں: صیہونی حکومت نےحماس کے سامنے قدم پیچھے کھینچے

بن گویر کے یہ بیان اس وقت سامنے آئے ہیں جب فلسطینی اسلامی مزاحمت تحریک (حماس) نے ایک بیان جاری کرتے ہوئے کہا ہے کہ ثالث ممالک کے ساتھ مذاکرات اورصیہونی ریاست کی جانب سے غزہ جنگ بندی معاہدے کے تحت اپنے وعدوں کو پورا کرنے کے عہد کے بعد، معاہدے میں درج شرائط کے مطابق قیدیوں کا تبادلہ کیا جائے گا۔