ایران کے پاس صرف دو راستے ہیں:وائٹ ہاؤس  

سچ خبریں:وائٹ ہاؤس نے ایران کی جانب سے امریکی دباؤ میں مذاکرات کو مسترد کرنے اور واشنگٹن کے مطالبات کو تسلیم نہ کرنے پر سخت ردعمل کا اظہار کرتے ہوئے دعویٰ کیا ہے کہ ایران کے ساتھ نمٹنے کے صرف دو راستے ہیں: عسکری کارروائی یا معاہدہ۔  

یہ بھی پڑھیں:ایران پر دباؤ ڈالنے سے ایٹمی مسئلہ حل نہیں ہو گا: پکن

الجزیرہ نیوز چینل کی رپورٹ کے مطابق، وائٹ ہاؤس نے ایک بیان جاری کرتے ہوئے کہا کہ ہم امید کرتے ہیں کہ ایران اپنے عوام اور اعلیٰ قومی مفادات کو دہشت گردی سے زیادہ اہمیت دے گا۔

وائٹ ہاؤس نے ایک بار پھر ایران پر دباؤ ڈالنے کے لیے دھمکی آمیز زبان استعمال کرتے ہوئے کہا کہ ایران سے نمٹنے کے لیے یا تو فوجی راستہ اختیار کرنا ہوگا یا معاہدہ کرنا ہوگا،اس بیان کو واشنگٹن کے ایران مخالف دباؤ کو مزید بڑھانے کی کوشش قرار دیا جا رہا ہے۔

واضح رہے کہ یہ بیان ایرانی سپریم لیڈر آیت اللہ خامنہ ای کے تازہ ترین خطاب کے بعد سامنے آیا ہے۔

 ہفتے کی شب، آیت اللہ خامنہ ای نے ملک کے اعلیٰ عہدیداروں اور حکومتی نمائندوں سے خطاب کرتے ہوئے دو ٹوک الفاظ میں کہا کہ طاقتور حکومتیں مذاکرات پر زور دیتی ہیں، لیکن ان کا مقصد مسائل حل کرنا نہیں، بلکہ اپنی شرائط مسلط کرنا ہوتا ہے۔

انہوں نے مزید کہا کہ اسلامی جمہوریہ ایران کبھی بھی ان کے مطالبات قبول نہیں کرے گا۔

مزید پڑھیں:ایران-امریکہ تعلقات اور دفاعی و مزاحمتی آپشنز  

یاد رہے کہ امریکہ اپنی پالیسیوں میں ناکامی کے بعد ایران کے خلاف زیادہ جارحانہ بیانات دے رہا ہے۔

 ایران واضح طور پر کسی بھی دباؤ میں مذاکرات کو مسترد کر چکا ہے اور اپنے قومی مفادات پر کوئی سمجھوتہ نہ کرنے کا عندیہ دے چکا ہے۔

 یہ بیان اس بات کی طرف بھی اشارہ کرتا ہے کہ واشنگٹن کے پاس ایران کے خلاف سفارتی یا عسکری اقدامات کے علاوہ کوئی اور آپشن باقی نہیں بچا۔