امام خمینی ایک سیاسی مفکر اور وحدتِ امت کے علمبردار:عراقی رہنما

?️ 5 جون 2025

سچ خبریں:عراق کی مجلس اعلٰی اسلامی کے ترجمان علی فاضل الدفاعی کا کہنا ہے کہ امام خمینی صرف ایک فقیہ نہیں بلکہ جدید اسلامی ریاست کے معمار، وحدتِ اسلامی کے مبلغ اور مغرب زدگی کے خلاف ایک فکری انقلابی تھے۔

عراق کی مجلس اعلٰی اسلامی کے ترجمان ڈاکٹر علی فاضل الدفاعی نے کہا ہے کہ امام خمینی صرف ایک دینی مرجع نہیں تھے بلکہ اسلامی ریاست کی تشکیل کے لیے ایک ہمہ گیر سیاسی مفکر تھے، جنہوں نے فقہ کو فردی سطح سے نکال کر ایک مکمل اور عملی حاکمیت کا ڈھانچہ بنا دیا۔

یہ بھی پڑھیں:پاکستانی محقق: امام خمینی (رہ) کے افکار عالم اسلام میں مزاحمت اور بیداری کا آغاز تھے

ان کا کہنا ہے کہ ایران کا اسلامی انقلاب محض شاہ کی حکومت گرانے کی سیاسی تحریک نہیں تھی، بلکہ ایک تہذیبی و فکری منصوبہ تھی جو ایرانی قوم کو اپنی اسلامی شناخت اور فطرت کی طرف لوٹانے کا ذریعہ بنی۔

امام خمینی نے فقہ کو محض عبادات یا انفرادی احکام تک محدود نہیں رکھا بلکہ اسے ریاست سازی اور قانون سازی کا بنیادی ماخذ بنایا۔

ولایت فقیہ کوئی فقہی فتوٰی نہیں بلکہ حاکمیت کا نظریہ تھا، جسے انہوں نے قانونِ اساسی (آئین) میں بھی واضح کر دیا، اور شورائے نگہبان جیسے ادارے تشکیل دیے جو قوانین کی شرعی حیثیت پر نظر رکھتے ہیں۔

امام خمینی نے جمہوری عناصر کو اسلامی حکومت میں شامل کیا جیسے
مجلس خبرگان
مجلس شورای اسلامی
اقتدار کی تینوں شاخوں (مقننہ، عدلیہ، و اجرائیہ) کی علیحدگی

اسلامی انقلاب؛ ایک ہمہ جہت فکری انقلاب

امام خمینی کا فکری وژن صرف سیاسی تبدیلی نہیں تھا، بلکہ انہوں نے ثقافتی اور تعلیمی میدانوں میں بھی استعمار کے اثرات ختم کرنے کی کوشش کی۔
ان کے نزدیک ثقافت صرف ادب و فن نہیں بلکہ سماجی، سیاسی اور اخلاقی نظام کا مجموعہ تھی۔
وہ مغربی نظریات جیسے لبرلزم، مارکسزم، اور اومانیزم کو فطرت انسانی کے خلاف سمجھتے تھے اور قرآنی بنیادوں پر علمی و انسانیاتی علوم کی تشکیل پر زور دیتے تھے۔

انقلاب کی برآمد: حقیقت یا پروپیگنڈا؟

امام خمینی کا پیغام صرف ایران تک محدود نہیں تھا، بلکہ انہوں نے وحدتِ امت اور اسلامی مزاحمتی تحریکوں کو تقویت دینے کی کوشش کی۔
عرب حکومتیں انقلابِ اسلامی سے خائف ہو گئیں کیونکہ یہ ان کی مذہبی و سیاسی مشروعیت کے لیے خطرہ بن گئی۔
انہوں نے ایران پر فرقہ واریت کا الزام لگا کر شیعہ و سنی کی تفریق کو ہوا دی۔
لیکن اس کے باوجود، جهاد اسلامی فلسطین، حماس، اور دیگر اسلامی تحریکیں انقلاب سے براہِ راست متاثر ہوئیں۔
امریکہ مردہ باد اور اسرائیل مردہ باد جیسے نعرے پورے عالم اسلام میں مزاحمتی شناخت بن گئے۔

وحدتِ اسلامی؛ امام خمینی کا کلیدی پیغام

امام خمینی نے شیعہ و سنی اتحاد پر بارہا زور دیا۔
ان کا کہنا تھا کہ امت اسلامی کو مسلکی حدود سے نکل کر اسلامی مشترکات پر جمع ہونا ہوگا تاکہ استعماری سازشوں کو شکست دی جا سکے۔
فلسطین کے مظلوم عوام کی حمایت ان کے لیے اسلامی غیرت اور وحدت کا مظہر تھی۔

مزید پڑھیں:امام خمینی (رح) کے افکار میں عالم اسلام کے اتحاد کی پیشگی شرط اور ثمرات

اسلامی حکومت صرف ایک ڈھانچہ نہیں، بلکہ عقیدے، ثقافت، سیاست، اور سماج کا مجموعہ ہے، جو امام خمینیؒ نے ایک نظریہ کی شکل میں پیش کیا۔
ان کی فکر آج بھی اسلامی دنیا میں جدید اسلامی ریاست کے قیام، ثقافتی آزادی اور استعماری نظام کی مزاحمت کے لیے رہنمائی کا ذریعہ ہے۔