لبنانی فوج کے خلاف صہیونی حملے پر حزب اللہ کا ردعمل

?️ 6 جون 2026

سچ خبریں:حزب اللہ نے لبنانی فوج کی گاڑی پر صہیونی حملے کو دانستہ جرم قرار دیتے ہوئے شدید مذمت کی ہے۔ بیان میں شہداء کے اہل خانہ سے تعزیت اور قومی فوج کے ساتھ مکمل یکجہتی کا اعادہ کیا گیا۔

حزب اللہ لبنان نے ایک بیان میں لبنانی فوج کی گاڑی پر صہیونی حکومت کے حملے کو ایک دانستہ جرم قرار دیتے ہوئے کہا ہے کہ یہ اقدام لبنان کے عوام اور فوجیوں کے خلاف اسرائیلی جرائم کے سلسلے کی ایک نئی کڑی ہے۔

المیادین نیوز چینل کی رپورٹ کے مطابق حزب اللہ لبنان نے قومی لبنانی فوج کی گاڑی پر صہیونی قابض افواج کے حملے کو ایک جان بوجھ کر کیا گیا جرم قرار دیا، جو لبنانی عوام کے خلاف صہیونی فوج کے مسلسل جرائم میں مزید اضافہ ہے۔

حزب اللہ کے بیان میں کہا گیا ہے کہ یہ جرم ریاست کی جانب سے ملکی خودمختاری، شہداء کے خون اور قومی وقار کے تحفظ میں غفلت کا فطری نتیجہ ہے۔

بیان کے مطابق دوسروں کو بلا معاوضہ رعایتیں دینے کا سلسلہ جاری رہا، جس کی تازہ ترین مثال واشنگٹن میں دشمن کی شرائط کے سامنے مکمل سر تسلیم خم کرنا ہے۔ اس طرزِ عمل نے دشمن کو لبنان کے عوام اور فوج کے خون کو نظر انداز کرنے کی مزید جرأت دی ہے۔

حزب اللہ لبنان نے فوج کے شہداء کے اہل خانہ، عسکری اداروں کے سربراہان، افسران اور اہلکاروں کے ساتھ دلی تعزیت اور ہمدردی کا اظہار کرتے ہوئے اس بزدلانہ جرم کی شدید مذمت کی اور قومی لبنانی فوج کے شانہ بشانہ کھڑے رہنے کے عزم کا اعادہ کیا۔

دوسری جانب لبنانی فوج نے اعلان کیا کہ صہیونی قابض حکومت کی جانب سے الخالدیہ۔النبطیہ شاہراہ پر ایک فوجی گاڑی کو نشانہ بنانے کے نتیجے میں متعدد لبنانی فوجی، جن میں ایک افسر بھی شامل تھا، شہید ہوگئے۔

لبنان کی سرکاری خبر رساں ایجنسی نے بھی رپورٹ دی ہے کہ الخردلی۔الجرمق شاہراہ پر ایک اور گاڑی پر ہونے والے حملے میں لبنانی فوج کا ایک افسر اور اس کا ڈرائیور شہید ہوگئے۔