ایران کو تقسیم کرنے کا خواب چھوڑ دیں؛امریکی ویب سائٹ کا انتباہ 

سچ خبریں:امریکی ویب سائٹ ریسپانسیبل اسٹیٹ‌کرافٹ نے مغربی و صہیونی حلقوں کو خبردار کیا ہے کہ ایران کی تقسیم کا تصور محض ایک خطرناک خیال ہے جو خطے میں مزید عدم استحکام اور انسانی بحرانوں کا باعث بنے گا، ایران ایک مستحکم قوم ہے، نہ کہ ایک ٹوٹنے والا ملک۔

امریکی دارالحکومت واشنگٹن میں قائم معروف ویب سائٹ ریسپانسیبل اسٹیٹ‌کرافٹ نے اپنی ایک تازہ تجزیاتی رپورٹ میں مغربی-صہیونی محور کو سخت تنقید کا نشانہ بناتے ہوئے واضح کیا ہے کہ ایران کی تقسیم کی خواہش محض ایک تباہ کن خیال ہے جو نہ صرف خود فریبی ہے بلکہ خطے کو مزید عدم استحکام کی جانب دھکیل سکتا ہے۔

یہ بھی پڑھیں:12 روزہ جنگ میں ایران کی فتح نے علاقائی دفاعی حکمت عملیوں کو کیسے بدل دیا؟

رپورٹ میں کہا گیا ہے کہ امریکہ کی خارجہ پالیسی میں ایک خطرناک رجحان موجود ہے جس کے تحت وہ ان ممالک کی تقسیم کی کوشش کرتا ہے جنہیں وہ اپنا دشمن سمجھتا ہے۔

رپورٹ کے مطابق، نیو کنزرویٹو تھنک ٹینکس جیسے کہ فاؤنڈیشن فار ڈیفنس آف ڈیموکریسیز (FDD) اور یورپی پارلیمان میں ان کے ہم فکر افراد کھلے عام ایران کی بلقانائزیشن (ٹکڑے ٹکڑے کرنے) کی مہم چلا رہے ہیں ،وہی عمل جو ماضی میں یوگوسلاویہ کے ساتھ کیا گیا تھا۔

ویب سائٹ نے انکشاف کیا کہ ایک اور معروف شخصیت برندا شفر برسوں سے ایران کو نسلی خطوط پر تقسیم کرنے کی وکالت کر رہی ہیں، اور ان کا یہ بیانیہ حالیہ دنوں میں صہیونی اخبار یروشلم پوسٹ میں شائع ایک اداریے سے بھی ہم آہنگ ہے، جس میں سابق امریکی صدر ڈونلڈ ٹرمپ سے مطالبہ کیا گیا کہ وہ ایران کی تقسیم کو کھل کر تسلیم کریں۔

مگر رپورٹ اس بات پر زور دیتی ہے کہ ایران کوئی غیر مستحکم، ٹوٹنے کے قریب ملک نہیں ہے بلکہ 90 ملین نفوس پر مشتمل ایک گہری تاریخی و ثقافتی شناخت رکھنے والا معاشرہ ہے۔

مزید پڑھیں:12 روزہ جنگ میں اسرائیل کا طوفان الاقصی کے مقابلے میں 300 گنا زیادہ نقصان

رپورٹ نے شروین ملک‌زادہ نامی محقق کے حوالے سے کہا کہ ایران کی سیاست ایک ایسے اجتماعی شعور سے جڑی ہے جو اسے ایک تاریخی طور پر پیوستہ قوم سمجھتا ہے، اور یہی عنصر اس کی قومی وحدت کو تقویت دیتا ہے،ریسپانسیبل اسٹیٹ‌کرافٹ نے آخر میں مغرب و اسرائیل کو خبردار کرتے ہوئے کہا کہایران کی تقسیم کے خواب میں کھو جانے کے بجائے، عملی اور حقیقت پسندانہ سفارت کاری اپنائی جائے اور اس خطرناک وہم سے باہر نکلا جائے۔