ایران کی بے مثال دفاعی صنعت کا صہیونی بھی اعتراف کرنے پر مجبور

سچ خبریں:اسرائیلی انٹیلیجنس ذرائع نے اعتراف کیا ہے کہ ایران کی فوجی صنعت نہ صرف جدید ہے بلکہ حالیہ جنگ کے دوران بھی فعال رہی۔

روسیا الیوم کی رپورٹ کے مطابق ایران جنگ کے دوران بھی اپنے بیلسٹک میزائلوں کو اپ گریڈ کرتا رہا، جو اسرائیلی دفاعی نظام میں نفوذ کی صلاحیت رکھتے ہیں،رپورٹ کے مطابق صہیونی ذرائع ابلاغ نے ایران کی دفاعی صنعت کی ترقی اور جنگی صلاحیت کا کھلے لفظوں میں اعتراف کیا ہے۔

یہ بھی پڑھیں:ایران کی دفاعی صلاحیت ناقابل تسخیر سطح پر پہنچ چکی ہے :امریکی اخبار

اسرائیلی اخبار یدیعوت احرونٹ نے صہیونی انٹیلیجنس ذرائع کے حوالے سے انکشاف کیا ہے کہ ایران کی دفاعی صنعت نہ صرف انتہائی پیشرفتہ ہے، بلکہ حالیہ جنگ کے دوران بھی مکمل طور پر فعال رہی۔

رپورٹ میں کہا گیا ہے کہ ایران جنگ کے ایّام میں بھی اپنے جدید میزائلوں کی ترقی اور اپ گریڈیشن کے عمل کو جاری رکھے ہوئے تھا۔ یہ میزائل اس قدر جدید ہیں کہ اسرائیل کے پرت بہ پرت فضائی دفاعی نظام کو بھی چیر سکتے ہیں۔

صیہونی ذرائع نے اس حقیقت کا بھی اعتراف کیا کہ ایران نے جنگ کے دوران درجنوں اسرائیلی ڈرونز مار گرائے، جن کی مجموعی مالیت سینکڑوں ملین ڈالر میں تھی۔ ان ڈرونز کو ایران نے حالیہ جنگ کے دوران اپنے دفاعی نظام سے نشانہ بنایا اور انہیں زمین بوس کر دیا۔

مزید پڑھیں:ایران کی دفاعی طاقت سے برطانیہ پریشان

یہ رپورٹ صہیونی انٹیلیجنس اداروں کے اس اندرونی خوف کو ظاہر کرتی ہے کہ ایران کی تیزی سے ترقی کرتی دفاعی صنعت، خاص طور پر بیلسٹک اور کروز میزائل ٹیکنالوجی، اسرائیل کے لیے ایک سنجیدہ اور بڑھتا ہوا خطرہ بن چکی ہے۔