الجزائر میں یورپی کمپنی کے جاسوسی اسکینڈل کی سماعت، فرانسسی فرم پر حساس معلومات منتقل کرنے کا الزام

?️ 8 فروری 2026

سچ خبریں:الجزائر کی عدالت ایک فرانسیسی کمپنی کے خلاف سنگین جاسوسی کیس کی سماعت کرے گی جس پر ملکی سلامتی اور معیشت کو نقصان پہنچانے کے لیے حساس اقتصادی و سکیورٹی معلومات بیرونی فریقوں تک منتقل کرنے کا الزام ہے۔

الشروق نیوز ایجنسی کی رپورٹ کےمطابق الجزائر کی عدالت ایک فرانسیسی کمپنی کی جانب سے اس ملک میں سکیورٹی اور اقتصادی شعبوں میں جاسوسی کے معاملے کی سماعت کر رہی ہے۔

یہ بھی پڑھیں:پیرس نے الجزائر کے فرانسیسی استعمار کو جرم قرار دینے کے اقدام کو مخاصمانہ قرار دے دیا

رپورٹ کےمطابق الجزائر کا عدالتی نظام کل پیر کو ملک کے خطرناک ترین جاسوسی کیسز میں سے ایک کی سماعت کرے گا، جس کا تعلق اقتصادی معلومات کو بیرونی فریقوں تک منتقل کرنے سے ہے تاکہ الجزائر کو نقصان پہنچایا جا سکے۔

فرانسیسی کمپنی اورل امارنت انٹرنیشنل کی الجزائر برانچ کے ذمہ داران دارالبیضاء کی عدالت میں پیش ہوں گے، جہاں ان پر یہ الزام ہے کہ انہوں نے ملکی معیشت کو نقصان پہنچانے کی غرض سے حساس معلومات اکٹھی کیں اور انہیں بیرونی فریقوں کے حوالے کیا۔

مارچ 2024 میں شروع ہونے والی اقتصادی اور مالی جرائم سے نمٹنے والی ٹیم کی تحقیقات سے ظاہر ہوتا ہے کہ مذکورہ کمپنی نے فیکٹریوں کے تحفظ اور اموال کی منتقلی کے نام پر مشکوک سرگرمیاں انجام دیں، جبکہ حقیقت میں وہ الجزائر کے سکیورٹی اور اقتصادی حالات سے متعلق معلومات جمع کر کے اپنی فرانسیسی مادر کمپنی کو فراہم کر رہی تھی۔

مزید پڑھیں:الجزائر کی پارلیمان میں فرانسیسی استعمار کو جرم قرار دینے کے تاریخی مسودے پر پہلی بار بحث

رپورٹ میں یہ بھی بتایا گیا ہے کہ اس کمپنی نے الجزائر کے سکیورٹی نقشے فراہم کیے، ہواری بومدین اور وہران کے ہوائی اڈوں کے اندر خفیہ مواصلاتی آلات استعمال کیے، مسافروں کے سامان کی غیر قانونی تلاشی لی اور مستغانم میں واقع آلستوم کمپنی، ہسپانوی کمپنی آندرا اور نیپچون بینک جیسی کمپنیوں کی نگرانی کی۔