مصر کے نئے ہتھیار؛ صیہونی لرزہ براندام

سچ خبریں:صہیونی فوجی جریدے نے مصر کی مسلح افواج کی بے مثال عسکری ترقی پر شدید تشویش کا اظہار کیا ہے۔ 

روسی نیوز ایجنسی روسیہ الیوم کی رپورٹ کے مطابق، صہیونی فوجی جریدے IsraelDefense نے ایک رپورٹ میں اعتراف کیا ہے کہ مصری فوج خاص طور پر فضائی اور بحری قوت میں بے مثال ترقی کر رہی ہے، جو اسرائیل کے لیے ایک تزویراتی چیلنج بنتی جا رہی ہے۔

یہ بھی پڑھیں:مصر کی میزائل اور ڈرون طاقت سے صیہونی حکومت خوفزدہ 

رپورٹ میں کہا گیا ہے کہ مصر اپنی عسکری طاقت کو مسلسل بڑھا رہا ہے، اور فرانسیسی رافال جنگی طیاروں کی آزمائشی پروازیں خطے میں فضائی طاقت کے توازن کو بدل رہی ہیں۔

یاد رہے کہ فرانس کی مشہور کمپنی ڈاسو (Dassault) نے حال ہی میں ان رافال طیاروں کی آزمائشی پروازیں مکمل کی ہیں، جو جلد ہی مصری فضائیہ کو فراہم کیے جائیں گے۔

عبرانی ذرائع ابلاغ کے مطابق، فرانس نے مصر کو ایسے جدید ہتھیار فراہم کیے ہیں جن پر ماضی میں اسرائیلی دباؤ کے باعث پابندی تھی۔

رپورٹ میں بتایا گیا ہے کہ فرانس نے 2015 سے 2021 کے دوران مصر کو 54 رافال جنگی طیارے فراہم کیے، جو جدید دفاعی صلاحیتوں سے لیس ہیں۔

ان طیاروں کے ساتھ 300 کلومیٹر تک مار کرنے والے اسٹورم شیڈو میزائل، ہوا سے ہوا میں مار کرنے والے میزائل، سمارٹ بمیں اور اعلیٰ درجے کا بحری سازوسامان بھی مصر کے ہتھیاروں کے ذخیرے میں شامل ہو چکا ہے۔

مزید پڑھیں:مصر اور صیہونی ریاست کے درمیان پس پردہ کشیدگی؛ رفح کراسنگ کا مستقبل کیا ہوگا؟

صہیونی جریدے کے مطابق، یہ صورتحال اسرائیل کے لیے نہ صرف عسکری توازن کے لحاظ سے خطرہ ہے بلکہ خطے میں طاقت کی ترتیب کو بھی متاثر کر سکتی ہے۔