کیا ایلان مسک منشیات استعمال کرتے ہیں؟ خود ان کا کیا کہنا ہے؟

سچ خبریں:ایلان مسک نے نیویارک ٹائمز کی اُس رپورٹ کو جھوٹ پر مبنی قرار دیا جس میں ان پر منشیات، خاص طور پر کتامین اور سائیکیڈیلک ادویات کے استعمال کا الزام عائد کیا گیا تھا۔

معروف امریکی ارب پتی ایلون مسک نے نیویارک ٹائمز کی اس رپورٹ پر سخت ردعمل ظاہر کیا ہے جس میں دعویٰ کیا گیا تھا کہ وہ منشیات کے عادی ہیں۔

یہ بھی پڑھیں:ایلان ماسک کا امریکی وزارت خزانہ میں وسیع پیمانے پر خورد برد کا انکشاف

خبررساں ادارے اے ایف پی کی رپورٹ کے مطابق، ایلون مسک، جو حال ہی میں سابق امریکی صدر ڈونلڈ ٹرمپ کی حکومت میں وزیرِ بہتری کے طور پر اپنی ذمہ داری ختم کر چکے ہیں، نے نیویارک ٹائمز کی رپورٹ کو مسترد کرتے ہوئے کہا کہ یہ جھوٹ پر مبنی ہے۔

نیویارک ٹائمز نے جمعے کے روز ایک رپورٹ میں لکھا تھا کہ ٹرمپ کے مشیر نے اتنی مقدار میں "کتامین” (ایک طاقتور سکون آور دوا) استعمال کی کہ وہ پتے کی بیماری میں مبتلا ہو گئے۔

رپورٹ میں مزید دعویٰ کیا گیا تھا کہ دنیا کے سب سے امیر شخص نے سائیکیڈیلک گولیاں اور جادوئی مشروم بھی استعمال کیے اور گزشتہ سال وہ ایک باقاعدہ دواؤں کے ڈبے کے ساتھ سفر کرتے تھے۔

اخبار نے یہ بھی لکھا کہ یہ واضح نہیں ہے کہ آیا ایلون مسک نے ٹرمپ حکومت میں وزیرِ بہتری کی حیثیت سے کام کرتے ہوئے بھی منشیات استعمال کی تھیں یا نہیں۔

تاہم، ایلون مسک، جو اب سوشل میڈیا پلیٹ فارم ایکس(سابقہ ٹوئٹر) کے مالک ہیں، نے اس رپورٹ پر اپنے ردعمل میں لکھا کہ میں ہرگز منشیات استعمال نہیں کرتا! نیویارک ٹائمز جھوٹ بول رہا ہے۔

انہوں نے مزید وضاحت کرتے ہوئے لکھا کہ چند سال پہلے میں نے ڈاکٹر کے نسخے پر کتامین کا استعمال کیا تھا اور اس بارے میں میں نے ‘ایکس’ پر پہلے ہی بتایا ہوا ہے،اس لیے یہ خبر بے بنیاد ہے،یہ دوا مجھے ذہنی دباؤ سے نکلنے میں مدد دیتی تھی، مگر اب میں اس کا استعمال بند کر چکا ہوں۔”

منشیات کے حوالے سے یہ معاملہ ایک بار پھر اس وقت اٹھا جب ایلون مسک نے ٹرمپ حکومت میں اپنی وزارت سے رخصتی کے موقع پر منعقدہ تقریب میں سیاہ دھبے اور سوجن والی آنکھ کے ساتھ شرکت کی اور اس موقع پر منشیات سے متعلق سوال کا کوئی واضح جواب نہیں دیا۔

ان دھبوں اور سوجن والی تصاویر کی اشاعت بالکل اس وقت ہوئی جب نیویارک ٹائمز نے ماسک کے منشیات کے مبینہ استعمال پر رپورٹ شائع کی۔

مزید پڑھیں:ایلان ماسک کی جانب سے ایک خیریه ادارے کو منسوخ کرنے کا حکم جاری 

نیویارک ٹائمز نے اپنی رپورٹ میں ماسک کے غیر معمولی اور جذباتی رویے کا بھی ذکر کیا، جو ٹرمپ کی ایک انتخابی مہم میں دیکھنے کو ملا، اخبار نے یہ بھی دعویٰ کیا کہ ایلون ماسک نے جنوری میں ٹرمپ کی تقریبِ حلف برداری کے دوران نازی سلوٹ (سلام) بھی کیا۔