اسکاٹ لینڈ-اسرائیل میچ میں تنازع، وجہ؟

?️ 2 جون 2024

سچ خبریں: یورو ۲۰۲۵ کے انتخابی میچ کے دوران، فلسطین کے حامی ایک تماشائی نے احتجاجاً خود کو زنجیر سے گول پول سے باندھ لیا۔

اناتولی نیوز ایجنسی کی رپورٹ کے مطابق اسکاٹ لینڈ اور اسرائیل کی خواتین ٹیموں کے درمیان یورو ۲۰۲۵ کے انتخابی میچ کے آغاز سے قبل ایک تماشائی نے اسرائیل کے رفح پر وحشیانہ حملے کے خلاف احتجاج کے طور پر خود کو گول پول کے ساتھ زنجیر سے باندھ لیا۔

آئی ٹی وی نیوز کے مطابق اسکاٹ لینڈ-اسرائیل میچ کے دوران غزہ کی جنگ اور جنوبی غزہ میں واقع رفح پر اسرائیلی حملے کی وجہ سے شدید حفاظتی انتظامامت کیے گئے تھے پھر بھی ۱۹ سالہ معترض تماشائی نے میدان میں داخل ہو کر اور خود کو گول پول سے باندھ کر حفاظتی حالات کو مزید پیچیدہ بنا دیا۔

یہ بھی پڑھیں: رفح میں قتل عام کے بعد؛ بائیڈن کی سرخ لکیر کہاں ہے؟

اسرائیلی ٹیم نے میچ کے آغاز کے بعد بھی ٹی شرٹس کے ذریعے اسرائیل کے وزیر اعظم بنیامین نیتن یاہو کی حماس کے پاس موجود صیہونی قیدیوں کی رہائی میں ناکامی پر اعتراض کیا۔

میچ کے مقام کے باہر بھی سینکڑوں افراد نے فلسطینی پرچم اور علامتی تابوتوں کے ساتھ احتجاج کیا، جس سے غزہ میں جاری جنگ اور رفح پر وحشیانہ حملوں کے خلاف عوامی غم و غصہ کا بھرپور اظہار ہوا۔

یاد رہے کہ اسرائیل نے ۷ اکتوبر ۲۰۲۳ سے غزہ پر وحشیانہ حملے شروع کیے اور اقوام متحدہ کی فوری جنگ بندی کی قرارداد کو نظرانداز کیا، غزہ کی ۲۳۰ دن سے زائد جنگ کے دوران اب تک ۳۶ ہزار ۲۰۰ سے زائد فلسطینی، جن میں زیادہ تر خواتین اور بچے ہیں، شہید ہو چکے ہیں۔

مزید پڑھیں: رفح شیطانی حملوں کی لپیٹ میں

قابل ذکر ہے کہ اسرائیل بین الاقوامی عدالت انصاف میں نسل کشی کے الزامات کے تحت مقدمہ کا سامنا کر رہا ہے اور حال ہی میں اس عدالت نے تل ابیب کو رفح میں کارروائیاں روکنے کا حکم دیا ہے۔