روس کو یوکرین میں شکست کی اجازت نہیں دیں گے؛چین کا اعلان 

سچ خبریں:چینی وزیر خارجہ نے واضح کیا ہے کہ بیجنگ روس کو یوکرین جنگ میں شکست سے دوچار نہیں ہونے دے گا، کیونکہ اس صورت میں امریکہ کی تمام تر توجہ چین کی جانب مبذول ہو سکتی ہے، چین نے روس کو فوجی مدد فراہم کرنے کی تردید بھی کی ہے۔

چینی وزیر خارجہ نے کہا ہے کہ چین، روس کو یوکرین جنگ میں شکست نہیں ہونے دے گا،تفصیلات کے مطابق، یوکرین کی جنگ، جو 24 فروری 2022 کو نیٹو کی روسی سرحدوں تک توسیع کے بعد شروع ہوئی، اس وقت ماسکو کی عسکری برتری کے ساتھ جاری ہے اور روس کو بین الاقوامی سطح پر مضبوط اتحادیوں کی حمایت حاصل ہے، جن میں چین نمایاں ہے۔

یہ بھی پڑھیں:یوکرین کا خاتمہ ہو سکتا ہے: دی اکانومسٹ 

چینی وزیر خارجہ وانگ یی نے یورپی یونین کی خارجہ پالیسی سربراہ کایا کالاس سے گفتگو میں کہا کہ بیجنگ یہ ہرگز قبول نہیں کرے گا کہ روس یوکرین میں شکست کھائے، کیونکہ اس کے بعد امریکہ کی مکمل توجہ چین پر مرکوز ہو سکتی ہے۔

وانگ یی نے اس بات کی بھی تردید کی کہ چین نے یوکرین کی جنگ میں روس کی کسی قسم کی فوجی مدد کی ہے۔ ان کا کہنا تھا کہ اگر چین روس کی مدد کرتا تو یہ جنگ کب کی ختم ہو چکی ہوتی۔

مزید پڑھیں:امریکہ نے یوکرین کو ہوائی دفاعی میزائل کی ترسیل روکی

دوسری طرف، معروف بین الاقوامی اسٹریٹجک ماہر جان مرشایمر کا کہنا ہے کہ چین اس وقت امریکہ کا سب سے بڑا عالمی حریف ہے، اور واشنگٹن کو مشرق وسطیٰ و یورپ میں وسائل ضائع کرنے کی بجائے مشرقی ایشیا میں چین کے خلاف اپنی پالیسیوں پر توجہ مرکوز کرنی چاہیے۔