کیا صیہونی لبنان پر زمینی حملہ کرنے والے ہیں؟ صیہونی اخبار کی زبانی

?️ 1 اکتوبر 2024

سچ خبریں: لبنان پر اسرائیلی زمینی تجاوز کے آغاز سے متعلق متضاد خبروں کے ساتھ ساتھ، عبرانی جریدے معاریو نے لبنان کی سرزمین پر محدود زمینی آپریشن شروع کرنے کے لیے صیہونی کابینہ کی باضابطہ منظوری کی خبر دی ہے۔

لبنان پر اسرائیلی فوج کے زمینی حملے کے آغاز سے متعلق متضاد اطلاعات کے درمیان، معاریو جریدے نے صیہونی کابینہ کے اجلاس کے اختتام کی اطلاع دی، جس میں لبنان کے خلاف فوجی کارروائی کے فیصلے پر بات چیت کی گئی۔

یہ بھی پڑھیں: کیا لبنان اسرائیل کے ساتھ براہ راست جنگ کرنے کو تیار ہے؟

اس سلسلے میں معاریو نے چند لمحے قبل صیہونی جنگی کابینہ کے وزراء کے اجلاس کے اختتام اور لبنان میں محدود زمینی آپریشن کی شکل میں اسرائیل کے اگلے مرحلے کو شروع کرنے کی سرکاری منظوری کی خبر دی ہے۔

دوسری جانب کچھ خبروں میں بتایا گیا ہے کہ اسرائیلی فوج نے ہیلی کاپٹروں کی مدد سے لبنان کے سرحدی علاقوں میں حملہ کیا اور اسرائیلی فوج کے ٹینکوں نے جنوبی لبنان کے کچھ مقامات پر بمباری کی۔

رپورٹ کے مطابق، سعودی ویب سائٹ العربیہ نے میں اطلاع دی کہ اسرائیلی ٹینکوں نے جنوبی لبنان کے شہر رمیش پر حملہ کیا ہے۔

اس سعودی ویب سائٹ کے دعوے کے مطابق اس علاقے کی بجلی منقطع ہو چکی ہے۔

ایک متعلقہ خبر میں، اسرائیلی فوج کے ترجمان نے اسرائیلی میڈیا سے کہا ہے کہ وہ فوجی کارروائیوں کی کوئی خبر یا تفصیلات شائع نہ کریں تاکہ ان کی حفاظت خطرے میں نہ پڑے۔

مزید پڑھیں: اسرائیل زمینی حملے کے لیے اچھی پوزیشن میں نہیں

یہ ہدایت اس بات کی عکاسی کرتی ہے کہ اسرائیلی فوج لبنان کے اندر زمینی مداخلت کے محدود آپریشن کے نتائج سے شدید پریشان ہے۔