ٹرمپ حکومت کی ایک اور ایران مخالف شخصیت سبکدوش، اسرائیل کو دھچکا

سچ خبریں:ٹرمپ حکومت میں شامل ایک اور نمایاں ضدایرانی شخصیت مورگان اورتگاس نے اپنا عہدہ چھوڑ دیا،اسرائیلی میڈیا نے اس خبر کو تل ابیب کے لیے مایوس کن قرار دیا، کیونکہ وہ حزب اللہ کو غیر مسلح کرنے کی مہم میں پیش پیش تھیں۔

تل ابیب سے نشر ہونے والے صہیونی ٹی وی چینل چینل 14 نے دعویٰ کیا ہے کہ امریکہ کے مشرق وسطیٰ امور کے نائب نمائندے اور لبنان کے فائل کے انچارج مورگان اورتگاس جلد ہی اپنے عہدے سے سبکدوش ہو جائیں گے۔

یہ بھی پڑھیں:ایران مخالف امریکی سینیٹر کی عراقی حکام سے ملاقات

المیادین نیوز چینل کے مطابق، صیہونی چینل 14 نے رپورٹ دی ہے کہ مورگان اورتگاس جو امریکہ کی مشرق وسطیٰ پالیسیوں میں ایک سرگرم کردار ادا کر رہی تھیں، خاص طور پر حزب اللہ کو غیر مسلح کرنے کے حوالے سے کوششوں میں پیش پیش تھیں، اب امریکی حکومت کا حصہ نہیں رہیں گی، اس خبر کو صیہونی میڈیا نے تل ابیب کے لیے بری خبر قرار دیا ہے۔

اسی سیاق میں حال ہی میں ایران کے امور کے انچارج مراو سرن اور مغربی ایشیا و شمالی افریقہ کے امور پر گہری نظر رکھنے والے اریک تراگر بھی امریکی قومی سلامتی کونسل سے مستعفی ہو چکے ہیں، ان دونوں افراد کو اسرائیل کے اہم ترین حمایتیوں میں شمار کیا جاتا تھا۔

چینل 14 کے مطابق، سرن اور تراگر کی تعیناتیاں سابق قومی سلامتی مشیر مائیک والتز کے دور میں ہوئیں، تاہم ان کے جانشین مارکو روبیو نے ان دونوں کو عہدے سے ہٹا دیا۔

اس چینل کا کہنا ہے کہ یہ تبدیلیاں ذاتی بنیاد پر نہیں کی گئیں بلکہ امریکی صدر ڈونلڈ ٹرمپ کی جانب سے قومی سلامتی کونسل کے ڈھانچے کی ازسرنو تشکیل کی پالیسی کے تحت کی گئی ہیں۔

مزید پڑھیں:خطے میں ایران مخالف امریکی بڑا منصوبہ کیسے ناکام ہوا؟

رپورٹ کے آخر میں چینل 14 نے واضح کیا کہ اسرائیل نواز شخصیات کی وائٹ ہاؤس سے رخصتی، صہیونی حکومت کے لیے تشویش کا باعث ہے کیونکہ ان تبدیلیوں سے لبنان اور ایران جیسے حساس معاملات پر اسرائیلی پالیسیوں کو براہ راست اثر پڑ سکتا ہے۔