حرم مقدس امیرالمؤمنین علیہ‌السلام میں چودھویں بین الاقوامی ہفتۂ غدیر  کے پروگرامز کا اعلان

سچ خبریں:حرم مقدس امیرالمؤمنین علیہ‌السلام کے میڈیا سیل نے ایک پریس کانفرنس میں چودھویں بین الاقوامی ہفتۂ غدیر کے موقع پر منعقد ہونے والی تقریبات کا اعلان کیا ہے ، یہ تقریبات حرم مقدس کے متعدد رواقوں میں منعقد ہوں گی۔

حرم مقدس امیرالمؤمنین علیہ‌السلام کے میڈیا سیل کی رپورٹ کے مطابق یہ پروگرام ایک عظیم دینی، ثقافتی اور فنّی منصوبے پر مشتمل ہے جو اپنے نوعیت میں عراق کی اندرونی و بیرونی دیگر تقاریب کے مقابلے میں بے مثال ہے۔

تقریبات کا آغاز کل بروز منگل 14 ذوالحجہ 1446 ہجری بمطابق 10 جون 2025ء سے آغاز ہوگا اور آئندہ جمعہ 24 ذوالحجہ 1446 ہجری بمطابق 20 خرداد 2025ء تک جاری رہیں گی۔

یہ اعلامیہ آج بروز پیر کو حرم مقدس امیرالمؤمنین علیہ‌السلام کے میڈیا سیکشن کے انچارج جناب حیدر رحیم کی جانب سے منعقدہ ایک پریس کانفرنس کے دوران جاری کیا گیا۔

یہ پریس کانفرنس صحن حضرت زہرا سلام‌اللہ‌علیہا میں واقع حضرت آمنہ علیها‌السلام ہال میں منعقد ہوئی، جس میں سیٹلائٹ چینلز کے رپورٹرز، خبر رساں ایجنسیوں کے نمائندگان، صحافیوں اور میڈیا سے وابستہ متعدد شخصیات نے شرکت کی۔

جناب حیدر رحیم نے کہا کہ چودھویں بین الاقوامی ہفتۂ غدیر کی سرگرمیاں اس سے قبل ہی مقامی، قومی اور بین الاقوامی سطح پر اس مبارک مناسبت کی شایانِ شان تعارف کے لیے تشہیری علامتوں کے ذریعے آغاز ہو چکی ہیں۔

ان کے مطابق حرم مقدس کے مختلف فعال شعبہ جات کی مشترکہ کاوشوں سے اور مرکز برائے منصوبہ بندی و ترقی کی ہم آہنگی کے ساتھ، ایک ہفتے کے دوران تقریباً 40 مختلف سرگرمیاں انجام دی جائیں گی۔

یہ پروگرام اس عظیم مناسبت کو نمایاں کرنے کے لیے ایک ذریعہ ہوں گے تاکہ فکرِ غدیر کو ہماری سماجی و ثقافتی حقیقت سے جوڑا جا سکے اور ایسے اقدامات کے ذریعے امیرالمؤمنین علیہ‌السلام کی شخصیت کو عدل، علم اور انسانیت کے پیمانے کے طور پر پیش کیا جا سکے۔

حرم مقدس امیرالمؤمنین علیہ‌السلام کے میڈیا سیکشن کے انچارج نے غدیر کے مبارک پرچم کے لہرائے جانے کو ہفتۂ جشنِ غدیر کی اہم ترین سرگرمیوں میں سے ایک قرار دیا جو نہ صرف حرم مقدس میں بلکہ عراق کے مختلف صوبوں اور دنیا کے دیگر علاقوں میں انجام پائے گی۔

ان کے مطابق، اس مہم کے تحت دنیا بھر میں 700 سے زائد پرچم لہرائے جائیں گے، بعض خصوصی پرچم مرکزی اور سرکاری تقاریب میں نصب کیے جائیں گے جبکہ دیگر پرچم مختلف سماجی، ادبی، دینی اور ثقافتی محافل میں لہرائے جائیں گے۔

یہ پرچم افریقہ، ایشیا، یورپ، امریکہ اور آسٹریلیا کی مختلف اقوام اور تقریبا 40 ممالک میں لہرائے جائیں گے۔

اسی کے ساتھ ساتھ، نجف اشرف اور اس کے نواحی علاقوں میں 35 ہزار میٹر پر مشتمل کپڑے کی تزئینی سجاوٹ بھی نصب کی جائے گی تاکہ اس عظیم عید کے جشن کو شایانِ شان انداز میں منایا جا سکے۔

جناب حیدر رحیم نے حرم مقدس امیرالمؤمنین علیہ‌السلام کی ایک منفرد اور تاریخی پیش رفت کی جانب اشارہ کیا، جو یادگارِ غدیر کے عنوان سے ایک عظیم منصوبے کی صورت میں نجف اشرف کے مرکزی علاقے میں قائم کی جا رہی ہے۔

یہ منصوبہ ایک فنّی، سیاحتی اور خدماتی عمارت پر مشتمل ہوگا، جس کا رقبہ 50 ہزار مربع میٹر سے زائد ہو گا، یہ تعمیر جدید طرزِ تعمیر کے ساتھ ساتھ اسلامی اصالت کی جھلک پیش کرے گی اور واقعۂ جاودان غدیر کو مجسم صورت میں دنیا کے سامنے پیش کرے گی۔

یہ کہنا بجا ہے کہ یہ پہلا مستقل شہری و میدانی منصوبہ ہے جو پوری دنیاۓ اسلام میں عید غدیر کی یاد میں تعمیر کیا جا رہا ہے۔

غدیر کی علمی، فنّی و ضیافتی سرگرمیاں

میڈیا سیکشن کے سربراہ نے اعلان کیا کہ عید غدیر کے موقع پر ایک بین الاقوامی علمی سیمینار منعقد کیا جائے گا، جس میں دنیا کے 10 مختلف ممالک سے محققین شرکت کریں گے۔

اس کے علاوہ، استراحتگاہ النخیل کے مقام پر 10 ہزار مربع میٹر کے وسیع رقبے میں واقع ایک اسٹیج پر غدیر کا اسٹیج شو پیش کیا جائے گا، جس میں 6 ہزار سے زائد افراد کے لیے نشست کی گنجائش ہے۔

اسی طرح، پہلی بار نایاب خطی نسخوں کی نمائش، فنّی نمائشیں، اور دیواروں پر مصوری کے لیے مختص حصے قائم کیے جائیں گے، تاکہ آرٹ کے ذریعے بھی واقعہ غدیر کی معنوی عظمت کو اجاگر کیا جا سکے۔

علاوہ ازیں، مختلف دیگر پروگرامز بھی شامل ہوں گے، جیسے بچوں کے لیے خصوصی تقریبات، یتیم بچوں کے لیے ولائی مارچ اور ایک خصوصی ویب سائٹ کا اجراء جس میں الیکٹرانک انعامی مقابلہ بھی شامل ہوگا۔

میڈیا سیکشن کے سربراہ نے صحافیوں کے لیے ایک مکمل میڈیا سینٹر اور پلیٹ فارم تیار کیا ہے اور اعلان کیا کہ اس موقع پر 5 ملین مبارکباد پیغاماتSMS کے ذریعے بھیجے جائیں گے،

حرم مقدس امیرالمؤمنین علیہ‌السلام کے میڈیا سیکشن کے سربراہ  نے زائرین غدیر کے لیے 10 مخصوص مقامات اور 15 عمومی موکب قائم کرنے کی طرف بھی اشارہ کیا،نجف انٹرنیشنل ایئرپورٹ پر ایک مستقل مہمان خانہ بھی قائم کیا جا رہا ہے تاکہ بین‌الاقوامی زائرین کو استقبال و سہولیات فراہم کی جا سکیں۔

یاد رہے کہ حرم مقدس امیرالمؤمنین علیہ‌السلام  نے رواں سال کی تقریبات کو اب تک کی سب سے بڑی عالمی تقریب قرار دیا ہے جس کا مقصد امامت و ولایت اہل بیت علیہم‌السلام کے پیغام کو دنیا بھر میں پھیلانا اور غدیر کو ایک زندہ شعور میں تبدیل کرنا ہے۔