امریکہ سید حسن نصراللہ کی شہادت پر خوش ہے یا ناراض؟

?️ 29 ستمبر 2024

سچ خبریں: امریکی صدر نے ایک اشتعال انگیز بیان میں صیہونی حکومت کی طرف داری کرتے ہوئے سید حسن نصراللہ کے قتل پر مبنی قابضین کے جرم کا دفاع کیا۔

الجزیرہ نیوز چینل کی رپورٹ کے مطابق امریکی صدر جو بائیڈن نے اپنے ایک نفرت انگیز بیان میں قابض صیہونیوں کے ساتھ اپنی وابستگی کا اظہار کرتے ہوئے دعویٰ کیا کہ سید حسن نصراللہ سے قتل سے ہزاروں امریکی، اسرائیلی اور لبنانی متاثرین کے لیے انصاف ملا ہے!

یہ بھی پڑھیں: امریکی صدر کا مغربی ایشیا کی حالیہ صورتحال پر اظہار خیال

امریکی صدر نے اس بارے میں کہا کہ ہم حزب اللہ، حماس، حوثیوں اور تہران کے حمایت یافتہ دیگر دہشت گرد گروہوں کے خلاف اسرائیل کے حق دفاع کی حمایت کرتے ہیں! نصراللہ اور حزب اللہ نے چار دہائیوں میں سیکڑوں امریکیوں کو قتل کیا ہے!

جو بائیڈن نے مزید کہا کہ میں نے وزیر دفاع کو ہدایت دی ہے کہ مشرق وسطیٰ (مغربی ایشیا) میں ہمارے فوجی دستوں کی پوزیشن مضبوط کریں تاکہ ایک وسیع علاقائی جنگ کے خطرے کو کم کیا جا سکے، ہمارا حتمی مقصد غزہ اور لبنان میں جاری تنازعات کو سفارتی ذرائع سے پرسکون کرنا ہے۔

مزید پڑھیں: کیا سید حسن نصراللہ کو شہید کر کے صیہونی چین سے رہ سکیں گے؟ نیتن یاہو کی زبانی

انہوں نے مزید کہا کہ یہ وقت ہے کہ جنگ بندی کے معاہدے کیے جائیں، اسرائیل کو درپیش خطرات کو ختم کیا جائے اور خطے میں استحکام لایا جائے، ہم غزہ میں جنگ بندی کے معاہدے اور حماس کے پاس موجود صیہونی قیدیوں کی رہائی کے لیے کوشاں ہیں!