الجولانی کے گروہ کا خفیہ آپریشن؛قتل عام کے ثبوت مٹانے کی کوشش  

سچ خبریں:مطلع ذرائع نے الجولانی سے وابستہ دہشت گردوں کے ایک خفیہ آپریشن کی اطلاعات دی ہیں، جس کا مقصد شام میں کیے گئے قتل عام کے ثبوتوں کو ختم کرنا ہے۔  

یہ بھی پڑھیں:شام میں قتل؛ جولانی اور عرب و مغربی حامی بے نقاب 

المعلومہ نیوز ایجنسی کی رپورٹ کے مطابق شام میں الجولانی کے دہشت گردوں نے ایک خفیہ آپریشن کے تحت اپنے موبائل فونز میں موجود مواد کو حذف کرنے کا عمل شروع کر دیا ہے، یہ آپریشن خاص طور پر ان دہشت گردوں کے فونز کو نشانہ بنا رہا ہے جو شام کے ساحلی شہروں میں قتل عام میں ملوث رہے ہیں۔

ان موبائل فونز میں ہزاروں تصاویر اور ویڈیوز موجود ہیں، جو ظاہر کرتی ہیں کہ کس طرح شامی شہریوں کو دہشت گردوں کے ہاتھوں ظالمانہ طریقے سے ہلاک کیا گیا، اس آپریشن کا بنیادی مقصد ان تصاویر اور ویڈیوز کو سوشل میڈیا پر لیک ہونے سے روکنا ہے۔

ساحلی شہروں میں علویوں کا قتل عام

الجولانی کے دہشت گردوں کے ہاتھوں شام کے ساحلی علاقوں میں 2 ہزار سے زائد معصوم شہریوں کو قتل کیا جا چکا ہے، جبکہ ہزاروں افراد اب بھی لاپتہ ہیں، یہ واقعات انسانی حقوق کی سنگین خلاف ورزیوں کی عکاسی کرتے ہیں۔

دہشت گرد گروہ اپنے مظالم کے ثبوتوں کو ختم کر کے بین الاقوامی سطح پر اپنی شناخت کو محفوظ بنانے کی کوشش کر رہا ہے، اگر یہ مواد سامنے آ گیا تو الجولانی کے گروہ کو مزید تنقید اور بین الاقوامی دباؤ کا سامنا کرنا پڑ سکتا ہے۔

مزید پڑھیں:شام کے ساحل پر جولانی کے حیران کن جرائم کے عینی شاہدین کے بیانات

انسانی حقوق کی تنظیموں اور عالمی برادری کو شام میں ہونے والے ان مظالم کی تحقیقات کرنی چاہیے اور مجرموں کو انصاف کے کٹہرے میں لانا چاہیے۔